Page - 210 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition khombe, sonder zue der zeit seines abzugs sambt allen andern seinen hand- lungen widerumb soll unnd müg uberantwortten. [§ 14] Wo sich khrieg zue truegen, soll er beÿ unnd in dem gottshaus bleiben unnd des gottshaus unterthonen , die ihr zueflucht hie herunden haben, mit ihrem leib unnd gueth, wie es statt haben mag, unter bringen unnd bevolchen haben. Wan es die notturfft erfordern wüerdt, soll er von des gottshauß aÿgen unnd dörffern den dreÿssigisten, zechenten unnd fünfften man, nach dem es vonnöthen, zue erhaltung des gottshauß zeitlichen erfordern unnd in guete ordnung stellen. [§ 15] Mit dem hoffgesindt wüerdt er zuhandlen wissen unnd fürnemblich alle abent sein vleißsig auf merckhen haben, daz alle officier unnd dienner, so nächtlicher zeit in dem closter zu ligen verbunden, nicht in der stat oder andern orthen sich aufhalten, die übertretter auch destwegen ohne verscho- nung bestraffen. [§ 16] Item er soll auf den pfistermaister unnd sein gesindt , alß müllner unnd peck- hen ihre junger unnd sackhtrager vleissig aufsehen, damit ihres mahlen, pachen unnd außspeisen halben dem gottshauß nit schaden ervolg etc. [§ 17] Er soll in alweg unnuz unnd übrigen costen verhüeten, haimbliche unnd winkhl fressereÿen beÿ tag unnd nacht in dem kheller stübl unnd sonst andrer orthen ipso facto abschaffen, die anzahl der persohnen, so man unterhalten muß aigentlich auf schreiben unnd offt zehlen, item in der türniz solle er beÿ denen persohnen, so daselbst hin verortnet sein, so wohl alß an der officier unnd schreiber taffl guete zucht unnd ordnung halten, auch niemandt frembten ohn sein erlaubnus nider sizen lassen, damit nichts widerwertigs gehandlet, noch fürgenomben werde. Alle übrig unnd unnuze persohnen, die sich in dem closter oder desselbigen zuegehörigen heüsern enthalten wolten, soll er abschaffen unnd aufs beldest weckh thuen, aber die armen ellenden hauß armen allwegen bevolchen haben. [§ 18] Item des gottshauß weltlichen officier unnd diener sollen ainen jeden hoff- maister mit gebührlicher gehorsamb von des gottshauß weegen respectieren unnd verehren, die er auch in nuzbarkheit des gottshauß brauchen unnd fürdern soll, wie sich seinem ambt nach zue thuen gebürth. Unnd welcher sich unter dem bemelten diennern gegen ihme mit ungehorsamb verhielt, soll er die selbigen in schwären casibus ir g(naden) selbst, in ringern aber dem, so daß governo des gottshaus inmittls in abwesen des herrn praelaten anbevolchen, anzaigen oder nach gelegenheit der sachen gegen dem selben mit zimblicher unnd gebührlicher straff verfahren. 210