Page - 248 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition phening aller wanndell unnd peenfallen derer unnderthonen unnd perso- nen, so in meiner verwalltunng sin[d], mein essen unnd trinckhen, das ist ÿber jedes mall ober essen wein , dreihalbe, darunndter auch der schlaff- trunnckh verstannden werden solle, ann dem oberessen tisch zuerhalltung guetter polliceÿ auf der tierniz auf das wenigist wochenndtlich dreÿ oder vier mall essen, deßgleichen mein reitkhnecht ann dem reitter tisch (wie annder derselbigen tafl zugehörigen personen haben) empfahen, meiner hausfrauen alle tag ein achterinng ober essen wein unnd ainer diern , auch ainem bue- ben, so speiß unnd trannckh auß dem closter hollt, ain achterinng gesinndt oder gmain speißwein unnd aus der pfister zu den zwaÿen malzeitten unnd den schlafftrunckh alle tag zwaÿ par herrn- und dreÿ par gesinndt laibl , auch gemellter meiner hausfrauen von khuchl wochenndtlichen zwolff phundt fleisch und zwaÿ prätl , salz , holz , kraut , rueben unnd sunsten zimbliche vassten speiß , desgleichen von Michaeli biß auf mitte vassten wochenndtlich vierzehen gmain gesinndt khörzen unnd meinem khnecht sechs geraicht werden unnd darneben auf meine zwaÿ roß fuetter, nagl unnd eisen zue- gesagt, versprochen. [§ 3] Wover sich aber zutrueg, das sich gnueg samb ursachen begeben, das mich mer bestimbter mein gnediger herr von solichem dienst verkhern oder ich nit lennger dienen unnd mich weitters bewerben wollt, so soll ain thaill dem anndern vor ausgans des jar zuvor ain quattember aufsagen unnd das verkhünnden. Zu urkhundt unnd gezeugnus der sachen hab ich vorbemelter Hanns Gschlenndt disen reverßbrieff mit meinem unndtergestöllten pedt- schafft unnd hanndtschrifft verfertigt. [E] Beschehen denn ersten tag January a(nn)o 80isten. [L.S.] Hannß Gschlenndt m.p. 248