Page - 253 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt chen contitionen, daß ich, obwoll ermelten meinem genedigen herrn praela- then eines würdigen convent unnd dero ordenlichen nachkhomben zu allen ieren unnd des löblichen gottshauß zu fridens unnd unfridens zeiten sich begebenden unnd fürfallenden notturfften geleben unnd verpflicht mit mei- ner selbst aignen persohn unnd zwaÿen pfärdten sambt ainen männlichen reidtkhnecht (deme ich selbst zubesolden schuldig) wohin unnd zu c welli- cher zeit sÿ mich in ierem unnd ierers gottshauß notturfften gebrauchen unnd verordnen werden, gehorsamb zulaisten, auch alßbaldt gegenwärttig unnd beraith sein solle, nach meinem müglichisten vleiß ier g(naden) etc. unnd deß gottshauß schaden zuwenden unnd aller orts nuz unnd fromben mit wortten unnd werkhen zubefüerdern. Wie ich dan solliches alles unnd jedes wollermelten meinem genedigen herrn praelathen unnd dem gannzen e(hr)würd(igen) convent hiemit unnd in crafft dises offentlichen revers , in- massen auch zuvor ier g(naden) etc. ich mich lautt einer mit hanndtschrifft unnd petschafft verferttigten instruction verobligiert unnd unwideruefflich verpunden hab, crefftig unnd pündtig beÿ meinem ehren, trauen unnd glau- ben unnd an d aÿdts statt zuhalten, zue prestieren unnd unverdroßen im werkh zuerweissen unnd in allem unnd jeden nach zukhomben angelobt , verhaißen unnd versprochen hab, versprich, verhaiß unnd anglob auch, e solliches alles f obvermeltermaßen in crafft diß revers nach eißerster müg- lichkhait zu prestieren. [§ 2] Da entgegen ist mier von meinem g(nädigen) herrn praelathen etc. unnd dem ehrw(ürdigen) convent gesprochen, ordiniert g unnd zuegesagt worden zue järlichen besoldung sechzig pfundt pfenning, dan auch, daß ich für mein persohn mein ordinarÿ tischmalzeit an der officier oder obereß taffel die speis belangent haben soll, für mich aber, mein weib unnd alle unnß zuegethone diennstleüth in allem und in ainer summa vierundtzwainzig emer weins , wie er des jar wachst, raichen zulassen, mit diser gelegen- heit, daß ich denselben, wo es mier in der statt Closterneuburg belieben werde, ich dieselben vieruntzwainzig emer an zechetweins statt möge unnd khüne einnemben unnd einbringen. Beÿnebens soll mier unnd für mich, mein weib unnd zuegehörige nottwendige diennstleüth wochentlich auß dem pfisterambt ainuntzwainzig par revendt - oder herrn prodt unnd vier- zechen par beschlagens brodt ordenlich geraicht werden. Insimili soll mier für mich unnd die meinen wochentlich unnd auß dem khuchlambt zechen c über der Zeile ergänzt d über der Zeile ergänzt e folgt in B irrtümlich: solles f fehlt in B g B: ordinarÿ 253