Page - 275 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

4. Die Rentkammer nit durch versaumbnus das gotshaus in beschwerliches intereße und straf beÿ der lanndtschafft khumen thue. [§ 2] Die richter soll er alles ernnst dahin haltenn unnd vermannen, damit sÿ die steur sovil müglich mit grober munz, die gerecht unnd nit verbotten seÿ, richtig machen, die traidt , habern , gersten , arbais unnd dergleichen diennst solle er dem pfistermaister , so baldt sÿ von dennen unterthonnen zum gotshaus gebracht, auf den casten gegen gebierlicher quittung antworten, weliche quittung nitt auf die paurn, sonder auf ine rändtschreiber in specie gestelt sein und lautten soll und in alweg dahin beflißen sein, damit soliche traidtdiennst und zehent vonn denen underthonen zu ÿeder rechter weill und zeit eingemont, c bezalt und nit ausständt gemacht werden. Da sÿ aber die unterthonen uber embsiges beschehens vermonen unnd auflegen mit richtig- machung derselben saumbig erzaigen und ursach, warumb sÿ ine nit bezallen khundten, fuerbringen wolten, solle er mit denen bloßen worten nit ersettigt, sonder derselben ursachen merere erkhundigung einzuziechen, auch zum fall, das es noth, hinaus reiten, die verhinderung, so innen in dennen stugkhen zuegestannden sein soll, besichtigen unnd zum faall die erheblich, beÿ seiner raitung neben füerbringung eines particulars solicher ausstandt oder so baldt es die noth erfordert, er dieselbigen anzaigen, damit wendung oder gebierliche einsehung alspaldt müglich füergenumen werden müge. [§ 3] Die zehendt in traidt unnd wein soll er in beÿsein aines conventual oder wen ir g(naden) darzue verordnen werden, mit vorwissen des herrn prelaten zu ÿeder gebüerlicher zeit im jar, wan er die zuvor genuegsamb besichtigt unnd wolbeschaut, dennen des gottshaus richtern oder underthonnen , so darumb genuegsamb und nit fremdten verlassen. [§ 4] Wan aber die wein lesenszeit herüber gebracht und die zehet bezalt werden, soll er die selben dem weinkhellner gegen verfertigter quittung, so auf ine und nit die underthonnen gesteldt, uberantworten und soliche wein beÿ seiner raitung und ainer sondern rubrigkhen in empfanng und außgab, wie oben vermelt, einstellen und verraitten. [§ 5] Ebnermassen wierdt er auch die khuchldiennst von denen unterthonen zu rechter zeit oder so baldt sÿ durch den khuchlmaister von ime begert, einzufordern, dem khuchlmaister oder gwölbschreiber zuüberantworten, quittungen zunemben und in sein raittung specificiert einzustellen wissen. [§ 6] Insonderheit aber dahin gedacht sein, damit nit die aÿr unnd dergleichen diennst in der grossen hüz hauffig zum gotshaus gebracht unnd sumers c folgt ein getilgtes Wort 275