Page - 276 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition zeiten, wan die am grösten, beÿ der khuchl verderben, sonder was man von ainer zu der andern zeit beÿ der khuchl bedürfftig, dasselbig abgefodert unnd hergebracht werde. [§ 7] Verner demnach in steur , traidt und diennsten beÿ dennen underthonen noch stargkhe ausständt verhannden und einzubringen, wiert in derselben ein ordenlichs particular zuegesteldt und soll er dieselben alten, sowoll die heurigen alles vleiß einfordern und die beÿ seiner raittung under einer rubrigkhen einstellen unnd verraitten. [§ 8] Soliche einbringung der steur und alle handlung solle er auf der räntstu- ben verrichten unnd in beÿsein des darzue verordneten herrn conventualn hanndlen und was aber die fertigung der gwörn zwischen der underthonnen und andern frembten, die in das ränndtambt gehörig, anlenngt, sollen diesel- ben hinfüerohn d nachlenngs und mit außfierung wie und mit was ditl, recht unnd gerechtigkhait ain grundt von ainen auf den andern khumen, gestelt, die füergebrachten schein und verfertigten urkhundten zu sicherhait des grunndtbuechs genumen, alles vleiß aufbehalten und soliche specificierte und außgefüerte gwörn inn ain sonders grundtbuech sauber und ordenlich eingeleibt werden. Also solle er auch die alten urbar unnd diennstbiecher mit allem vleiß vernemen und über dieselben ain ordenliche registratur halten, auch alle panthädung in ain besonders buech zuasamen sauber einschreiben. [§ 9] Das khauf- und pfundtgeldt solle, wie es bey alten grundtbüechern von alter hero gebreüchig, abgefordert, von ÿeder gwör 22 khr begert, die 4 khr ime davon gelassen und die übrigen 18 khr sambt dem khauf- und pfundtgeldt dem herrn oberkhellner erlegt werden, der es dan dem herrn prelaten , wan ir g(naden) daselbig begern, verraiten und zuestellen solle. [§ 10] Khain panthädung soll er one vorwissen des herrn prelaten , auch ohn bei- sein des hofmaister oder wen ir g(naden) darzue verordnen möchten, halten. [§ 11] Ränndtschreiber soll in allen ambtern enthalb der Thonau zu stifften macht haben, doch das soliches auf der camer in beÿsein aines conventuales, so das mall vom herrn prelaten darzue verordnet und des hofmaisters und nit auf dennen aigenn durch die richter beschehe. [§ 12] Was aber der underthonen rumor , verbrechen und strittige handlung anlanngt, die solle er füer obvermelten conventualn oder ainen andern, so darzue verordnet und den hofmaister auf die ober camer beschaiden. d B: hinführan 276