Page - 277 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

4. Die Rentkammer [§ 13] Beÿ dennen unterthonen solle er verfüegen, damit sÿ hinfüerohn ainiche zech - oder khirchenraittung ohn vorwissen des herrn prelaten oder seiner aufnemen, sonder das ÿederzeit mit vorwissen ir g(naden) und beisen des herrn dechant unnd hofmaisters seiner oder wan ir g(naden) darzue verord- nen möchten, beschehe. [§ 14] Und nachdem das gottshaus hin und wider vill ode dörffer unnd güetter, so bisherr ungestifft verbliben, hat, soll rändtschreiber obbeschribener massen die zustifften und wider in esse zubringen bedacht sein und an seinem vleiß hierin nichts erindern lassen. So solle er auch allen des gotshaus gehörigen gründten, so etwo durch unvleiß oder stillschweigen von denselben khumen sein möchten, in den büechern und wo er das erraichen khann, nachzufra- gen, ernstlich bedacht sein, unnd was er erkhundigt, ir g(naden) berichten. [§ 15] Alle des gottshaus teicht , sambt derselben teichtkhnecht werden ime in sein verwarnung und sorg gegeben, die wierdet er der notthurfft nach mit bauen, raumen, einbesezten vischen und dergleichen zu jeder rechter zeit, doch alles mit vorwissen des herrn prelaten , zuversorgen, nez und andere zeug, so darzue von nötten, zubössern oder von neuem machen zu lassen wissen und ohne ir g(naden) wissen ainiche außgab nit füernemben. [§ 16] Solicher seiner ambtshandlung soll er zu außganng des jars sein ordenliche raitung uber geben, auf das der herr prelat sehe, wie es umb sein diennst geschaffen und ain gründtliches wissen desselben haben müge. [§ 17] Füer solich sein bemieung haben wier ime zu jhärlicher besoldung aus dem camerambt zuempfahen verwilligt, dreißig gulden und abgeschribne portion und schreibgeldt von ÿeder gwör und was er an beschwärung der unterthan- nen füer sein schreibereÿ von innen gehaben mag. [§ 18] Wan er aber mit vorwissen des herrn prelaten außraist, soll ime die notwen- dig zerung, doch ohn überfluß, passiert werden. [§ 19] Seinen tisch soll er in dem zimer oder türniz sambt dem hofmaister oder auf das wenigist ÿe ainer umb den andern auf dem oberessen haben, damit under dem gemainen gesündt über dem essen guete zucht und erbarkhait erhalten werde, von dem kheller ain achtering obereß wein geraicht, auch des tages dreÿ laibl herrn prodt auß der pfister gegeben werden. [§ 20] Dieweillen aber nit alles unnd ÿedes, so sich in seinem diennst zuetragen und begeben mocht, mit allen umbstenden hieher mag geschriben werden, so behalt ir g(naden) im bevor, dise instruction zu mindern, zu mehrn, auch 277