Page - 317 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

5. Die Oberkammer cammer verhandtenen grundtbüechern in guetter bekhandtnuß unnd wis- senschafft haben, auß denselben bei seinen aid , mit welchem er dem gotts- hauß unterworffen ist, weder andern grundtherrn noch jemandts andern unnd khainen menschen nichts vertrauen, noch sie dieselben sehen noch lessen lassen, damit dem gotshauß ichtes vergeben werde. [§ 3] Dritten sollen durch ainen grundtschreiber alle verträg -, khauf- , sibschafft - unnd testamentshandlungen , wie auch gewehr fertigung , einnembung deß waissengelts , zallung, zehet unnd perckhrecht allezeit auf der ober cammer , beiwesent deß herrn prelathens selbst oder deß nachgesezten geistlichen herrn oberkhellers (auf welchen er dan anstatt deß herrn prelathenß seinen respect zuhaben schuldig unnd ohne dessen abwesenhait ainnige handlung fürnemben solt) khaines wegs aber in seinem zimmer ein- unnd fürgenoh- men, auch solches alles in gehaimb unnd verschwigen gehalten werden. Ingleichen soll er auch ainiges grundt- oder zehent buech prothocol (es be- schehe dan mit verwilligung deß herrn prelathen oder oberkhellers ) in sein hauß tragen oder durch ander tragen lassen, alle acta seiner handlungen sollen täglich prothocoliert unnd ain sonderbares prothocol unnd registratur darüber gehalten werden, wie auch nit weniger alle erlegte waisen geldter, völligkhaiten oder herrn geföll unnd waß umb ausstendigen zehendt unnd perckhrecht bezalt wüerdt (so ein oberkheller alzeit einzunehmen unnd monatlich dem herrn prelathen zuverraitten hat), soll er, nach erlegung alßbaldt in das geföll buech einschreiben, die jenigen erleger darumben richtig quittieren unnd so woll in den zehendt büechern alß remanenzen fürzuschreiben in khain vergessenhait stöllen, damit weder dem gottshauß noch jemandts anderen zu khurz beschehen möge. Ebenmässig solt auch mit denen hinaußgebenten waißen geldt (welches alzeit durch ain oberkheller , so dergleichen geldt in seiner verwahrung hat, beschehen), ain solche ord- nung gehalten, daß das gottshauß mit landtsbreichigen verzicht quittungen versichert unnd auch wann solches geldt erlegt umb guetter nachrichtung willen in den waisenbuech aindwetter durch herrn oberkheller oder ihne grundtschreiber selbst bei geschriben werden. Item, so auch abwesen deß herrn prelathen unnd oberkhellers schwäre handlungs sachen fürfüellen, soll grundtschreiber neben herrn dechandt oder ain andern geistlichen, auch beisein herrn hofmaister alß obristen officier (auf welchem er sein respect zuhaben schuldig) darumben zu rath nemben, damit ihme guette assistenz gelaistet unnd deß gottshauß schaden verhüettet werde. [§ 4] Vierten soll er täglich vor mittag, alß baldt die groß gloggen gleit, unnd umb ain uhr nach mittag von dem herrn oberkheller die schlißl zu der ober cammer durch den remanenzer oder obristen schreiber abfordern lassen, neben berürten remanenzer unnd andern canzlei schreibern auf die ober cammer sich verfüegen und hat vormittag an fleischtägen biß auf 10 uhr, an 317