Page - 319 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

5. Die Oberkammer dem gotshauß in zehendt und perckhrecht schuldig, sollen die burger durch den raths dienner alhie und die nachparn in allen umbligenten dörffern auch deß gottshauß ober cammer gefordert unnd gestelt werden. Item solle auch zu Weidling , Höflein , Khrizendorff , Sÿfering, Salmanstorf, Töbling , Heilling Statt unnd Khaltenberg khein nachpar leitgeben , er habe dan zuvor von dem herrn oberkheller erlaubnuß, wie dan dieselben nach vollenden wein außge- ben so vil müglich zubezallen ihrer ausstendigen zehent und perckhrecht gehalten werden sollen. [§ 8] Achten alle außgefertigte unnd veränderte gewöhrn , in gleichem die er- öfneten unnd ratificierten testamenta unnd sybschafft weisungen , welche alzeit beiweßent deß herrn prelathens selbst oder aines herrn oberkhellers fürgenohmen solten werden, alß dan fürderlich durch den dritten oder ai- nen saubern corecten schreiber in die lang gwöhr und testament büecher eingeschriben, volgunts durch ihme grundtschreiber vleissig collationiert und alß dan der jenigen nahmen, so gwöhr empfangen, selbst mit aigner handtschrifft in die perckhdiennst-, versäz- unnd khurz gwöhr-büecher ein- zaichnet, auch auf die darzue gehörigen instrumenta unnd certificationes, den tag und das jahr der ausferttigung geschriben und zu dem monath puschen gebunden werden. [§ 9] Neunden, järlich vor lesens zeit , solten auß dem geföll buech allen unnd jenigen in den dienst- unnd zinßbüechern die jahr fürgeschriben werden, so weit sie solche bezalt. [§ 10] Zehenden, so ist auch aines grundtschreibers ambt , daß er, wo nit monat- lich, doch alle zwaÿ monath, mit deß gotshauß weinkheller unnd perckh- maister , so woll auch zu Closterneuburg , alß allen umbligenden dörffern in dem weingart gebürg alle rietten , so dem gotshauß mit zehendt und perckhrecht unnd grundtdienst unterworffen seindt, bereide und abgehe, derselben weingarden inhaber, wie sie nach einander gelegen und wie auch dieselben in pau sein, ordentlich beschreibe unnd da thailß in aböttung khumben, sich mit dem weinkheller unnd perckhmaister underreden, wie und durch waß mitl solche wider aufzubringen sein möchten. Als dan solle er selbige beschreibung gegen den grundtbüchern holten unnd sehen, waß jedweder umb sein inhabenden grunndt für ain recht habe. Ist es sach, daß ain oder der ander inhaber umb sein grundt durch nit genuegsambe unnd notwendige instrumenta sein recht nit genugsamb probiern f, so solt solcher grundt nach gelegenhait der sachen zu dem gotshauß eingezogen, durch die ordentliche geschwornen firer geschäzt unnd volgunts dem gotshauß unnd f so in B; in A die letzten Buchstaben abgeschnitten 319