Page - 353 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

5. Die Oberkammer resst in außstandt stellen, damit weder dem gottshauß, noch denen, so zehet , perckhrecht unndt grunndt dienst zue raichen schuldig, nit unrecht beschehe unndt sie sich derowegen zue beschweren nit ursach haben. [§ 3] Zue solcher seiner verrichtung dan zum dritten ist er schuldig unnd ver- bundten, neben andern schreibern täglichen unnd allezeit morgens fruehe umb 7 uhr, wan man die grosß glockhen leüth, unnd nachmittag umb ain uhr auf die ober cammer zue gehen. [§ 4] Zum viertten solle er remanenzer jährlichen vor dem lesen bedacht sein, damit alle schulden außzig abgeraitter auß der remanenzen mit vleisß ge- schriben unnd denen restandten (damit sie desto gewisser im leesen mit der bezahlung sich gefast zue machen wissen) zeitlichen angehendigt werden. [§ 5] So erfordert auch zum fünfften, sein des remanenzers ambt, daß er sein sonderbahres vleissiges aufsehen habe, wan in der statt alhie oder denen umbligenden, so wohln unter Khalmperg mit zehets obrigkheit alhero ge- hörigen dörffern, alß Höffelein , Khritzendorff , Khierling , Kalnperg , Weÿd- ling , Nußdorf , Heillingstatt , Grinzing , Töbling , Sivering , Sallmanstorf unnd Neüstifft wein oder mosst verkhaufft werden, daß er von denen richtern , alhie aber von denen aufgeber oder visierer ain verzaichnus der jenigen, so verkhaufft haben, begehre. Welche nun unter den burgern in der statt dem gottshauß zehet und perckhrecht schuldig, sollen (auf sein remanenzers beÿ der obercammer anzaigen) durch den alhieigen raths dienner altem gebrauch nach erfordert, die in den dorffschafften aber wohnenten durch jedes dorffs gesezten richter mit vorhero an ihne abgehenden bevelch auf die obercammer geschafft unnd zur bezahlung gestelt werden. [§ 6] Und die weillen auch zum sechsten der remanenzer von der canzleÿ tax , so denen andern schreibern zue gelassen wierdet, kheinen theil nit ein zuenem- ben hat, alß wierdt ihme von herrn praelathen auß gueten willen unndt gnadt unnd damit er desto vleissig- unnd embsiger seinem dienst abwartte und verrichte (ausser seiner hernach bestimbten jährlichen besoldung ) für ein biball unnd einkhumben bewilligt, daß, wann sich crida handlungen zuetragen, er von anschlag- unnd publicierung derselben jedesmals 4 ß, von einem testament 1 fl 4 ß unnd von inventurn , so durch ihne remanenzer auf gericht werden, die halbe gebühr der von jedem gulden deß vermögens passierten 3 d für sein tax haben. Danebens ihme auch alle khürchen- unnd gerhabschaffts-raittungen (doch ohne versaumbnus seines diensts in denen dorfschafften auf diesem landt unnd allein Enzerstorff unter dem Pisenperg enthalb der Tonau zue verstehen) zue stellen, schreiben unnd auf zuerichten, auch die tax , so ihme jederzeit nach gelegenheit der sachen von herrn oberkheller unnd grunndtschr(eiber) leidlich und ohne beschwerung 353