Page - 426 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 11] Was man zu notturfft des gotshauß beÿ dem schmidt unnd anndern hanndt- wechern khaufft unnd machen läst, soll er jede qu[a]ttember in seiner raittung treulich füerbringen. aa [§ 12] Und in suma beschließlich so soll mer bestimbter unnser vorstmaister nach obbegriffner unnser instruction zu nutzperkhait unnd aufnemen unnsers gotshauß treulich, vleissig unnd erberlich, als ain getreuer vorstmaister unnd diener hanndln, unnser unnd des gotshauß nachtl, sovill an ime jeder zeit müglich ist, wenndten. Dagegen haben wier ime alle jar zu besoldung be- willigt, vierunndzwainzig phund phening, bbainer yeden quottember solcher suma seinen gebierunden solltbb, so lanng er unnß solches ambt vorwesen wierdt. Auch soll er haben auf sein person sein unnderhaltung mit essen unnd drinckhen auf der tiernitz am ober essen , dergleichen auf sein aigen phärdt , so er halten soll, füetter , nagl unnd eysn. [§ 13] Wo es sich aber begäb, das sÿch genuegsam ursachen zutrüegen, das wier bemelten vorster zu sollchem diennst vekhern unnd nit lennger geprauchen wolten, oder er nit lennger zu diennen willens wär unnd sich weidter be- wermb wolt, soll ainder dem anndern ain quottember vor außganng des jars aufsagenn. [§ 14] Es behelt im auch cc der herr prelat bevor, nach dem dise zeit nit all notturff- tig artigkhell in schrifft gestelt mogen werden, dise instruction zu mindern und mern, wie es seinen genaden nach der selben unnd des gotshauß nutz unnd die notturfft füeglich sein will. Zu urkhundt sein zwo gleich lau- tenndt instruction aufgericht, deren yeder thaill mit des anndern petschadt verfüertigt unnd aigner hanndt unnderschriben, aine zu seinen hanndtn genumen dd. [E] Actum ee aa folgt in B auf einem eingeklebten Zettel von anderer Hand: Positionszeichen: Es sol auch forster frau kein holtz fur sich selbst abzumaißen sich unterstehen, zu seinen aigen nutz verkauffen, verehren, verschengkhen oder in andere wege verschwenten, sonder, sovil im muglich, des gotshaus gehiltz und auen haiden und vor schaden verhietten. Positionszeichen: Wo es sich begibt, das wir miesen hig oder rost schieben auff anvorderung 〈miesen. . . anvorderung unsichere Lesung〉der hohen obrigkeit, was für gelt die selbigen bringen, sol von stunt an in unser cammer uber antwort werden. bb –bb fehlt in B cc fehlt in D und E dd fehlt in B ee fehlt in B, D und E 426