Page - 430 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 10] 10. Er soll das waidtgelt in den dörffern allenthalben einbringen unnd sambt anndern seinen emphänng, ausgaben und hanndlungen aigentlich unnd vleissig aufschreiben unnd wie vorgemelt treulich verraitten. [§ 11] 11. Vorsster soll hinfuran fur sich selbst khain reiß- oder volgl-ghait , weder een- noch herenhalb der Thainau nicht verlassen, sonnder zeitlichen die per- sonen, so dieselben besteen wellen, dem herrn prelaten lunnd herrn anwaldtl anzaigen unnd auf di ober camer stellen, darmit mit inen ordenlicher weiß gehanndlt, die vogl- und reiß-ghaidt verlassen, eingeschriben unnd die zinnß richtig mugen eingebracht werden. [§ 12] 12. Wann der vorster in des gotshauß geschäfften sein ambt betreffenndt ausraist unnd uber nacht aussen beleibt, soll er die ursachen seines aus- raissens jeder zeit in seinen raittungen und wochenzetln anzaigen, auch was er in solchem seinem abwesen verzert, unndderschiedlichen neben fur- bringung aines glaubwirdigen scheins in sein raittung unnd wochenzetln einstellen. Wo das nit beschiecht, wirdet ime in raittung solche zerung unnd außgab nit passiert. [§ 13] 13. Beÿ dem maÿr zu Tuttenndorff soll er innhalt bstallung unnd seines ge- gebnen reverß darob sein, daß er die äkher mit prechen, müsten und annder notturfft zu rechter gewöndlicher arbait und gebürlicher zeit die fechsung pau- unnd zehendt-traidt unnd habern mit treulichem vleiß eingebracht unnd widerumb angepaut werde. [§ 14] 14. Unnd wenn die dröscher zu Tuttendorf dröschen, soll er treulich zue- sehen, daß sÿ vleissig außtröschen und nit schleidern, unnd khain traidt noch habern ausser seines vorwissen abwinden, noch von dem tennen brin- gen, unnd niemandts anndern, alß lanng sÿ zu arbeiten haben, allain dem gotshauß nacheinannder arbaiten, beÿ verlierung irer besöldung und lon . Solcher massen soll er vorsster mit inen hanndlen. [§ 15] 15. In dem heÿmadt soll er zeitlich mit vorwissen hanndlen, darnach mit vleiß sehen, darmit das heÿ zu rechter zeit gemädt und aufgefanngen, auch zeitlich anhaimbs gebracht werde, daß es durch unvleiß nicht verderbt. [§ 16] 16. Er soll sich auch mit dem geschirrmaister all abendt undderreden, was von nötten, auf jeden tag mit fuer zu notdurfft und nuz des gotshauß l –l in A ′ gestrichen 430