Page - 435 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

9. Die Forstwirtschaft [§ 6] Wan holz abgeben wirdt, soll forster auf die jungen maiß guete achtung haben, damit das güpfelholz auch aufgehackht, dieselben sauber aufge- raumbt unnd durch das viech die neuen schißling nit abgehaltten oder in anderweeg di wäldt unnd auen nicht in verödung khumen unnd wo darin- nen geschlachte paumb zu zimer- oder wagner-holz verhannden, soll er die selbigen den holzhackhern bezaichnen unnd nit abschlagen lassen, sonnder zuekhünfftiger notturfft haÿen unnd steenlassen. Wann zimerholz geschla- gen wierdet, soll er das wipfelholz zue scheüttern unnd pürtln machen, zu dem gottshaus füehren, unnd nichts darvon verkhauffen lassen. [§ 7] Item forsster solle die nachennden hölzer in wäldten und auen , die leichtlich zu dem gottshaus gefüerth muegen werden, nit abgeben noch verkhauf- fen, sonder zu notturfft des gottshauß zeitlich maißen, alles zu scheittern machen unnd hinfiero vermüg der khaÿ(serlichen) M(ajestät) reformation nit mer lanng holz in die khuechel hackhen lassen, sunder dahin in albeg gedacht sein, damit vorrath verhannden unnd nit also grüen und schwär, sunder dürr unnd außtrueckhnet zu hauß gefüerth werde unnd wan holz ge- maißen wirdt, dem holzmaisern die clafftern abzellen, wieviell sie gehackht, achtung haben, das sÿ dieselben clafftern nit zu clain machen, sonder die grossen scheitter holz khlain unnd recht khlieben. [§ 8] Item soll er niemandt ohn vorwissen des herrn prelaten khain pästall noch annderß holzwerch mer abgeben, beÿ straff . [§ 9] Forster solle ohne sonndere grosse noth und erlaubnus von S. Georgen tag biß auf Bartholomai khain holz abgeben noch maissen lassen. [§ 10] Was aber außer dise zeit fur holz abgeben wirdt, soll forsster die ortt unnd enndt, wo es gehackht, item ob es scheütter oder peüsch holz gewesen, bei emphang des gelltts vermelden. [§ 11] Der forster soll auch mit vleiß bedacht sein, das an den ortten, die man vom gottshaus zuebehülzen schuldig, nit uberfluß unnd verschwenndung des holz gebraucht, auch an khain ander orts, weder dahin es verordnet ist, khain holz haimlicher weiß nit gefüerth, noch sunsten vergeben, sonnder wohin man holz zuegeben schuldig, dasselbig zimblicher notturfft nach ge- raicht werde. [§ 12] Wan forster holz gehen Wienn zuverkhauffen füehren läst, soll er neben emphanng des gellts vom holzsezer daselbst wievill dessen claffter gewesen, auch wie theur jede derselben verkhaufft worden, schein furbringen. 435