Page - 436 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 13] So soll er, wieviell das gottshaus tagwerch wißmadt hat unnd waß jhärlich jederzeit von jedem zu mähen geben wierdt, in raittung beÿ einstellung des mähenns uncosten specificiern. [§ 14] Er soll das waidtgeltt in den dorffern allenthalben einbringen unnd sambt anndern seinen emphanng außgaben unnd handlungen aigentlich unnd vleissig aufschreiben unnd wie vorgemelt treulich verraitten. [§ 15] Forster soll hinfieran khain reiß- oder vogl-jaidt , weder enndt- oder her- dißhalb der Thonau , nicht verlassen sonnder zeitlichen die persohnen, so dieselben bestehn wöllen, dem herrn prelaten anzaigen, unnd auf die ober camer fur den hofmaister stellen, darmit mit ihnen ordennlicher weiß ge- hanndelt, die vögl - unnd reiß-jaidt verlassen, eingeschriben unnd die zinnß richtig eingebracht mügen werden. [§ 16] Wan der forster in das gottshauß geschäfften sein ambt betreffenndt aus- raist unnd uber nacht aussen bleibt, soll er die ursachen seines außraisens jederzeit in seinen raittungen unnd wochen zedtln anzaigen, auch was er in solchem seinem abwesen verzert, underschiedlichen neben furbringung aines glaubwierdigen scheins in sein raittung unnd wochenzedtln, wo das nit beschiecht, wierdet ihme in raittung sollich zehrung unnd außgab nit passiert werden. [§ 17] Beÿ dem maÿr zu Tuttenndorff soll er inhaltt bestallung unnd seines gegeb- nen reverß darob sein, das er die äckher mit brechen, musten unnd anderer notturfft zu rechter gewöndlicher arbeith unnd gebührlicher zeit versehe, anbau und die fechsung, so wöll zehet traidt unnd habern mit treuem vleiß eingebrachte unnd auf den ackhern zu lanng nit ligengelassen werde. [§ 18] Und wan dasselbig eingefüerth unnd man zum tröschen anfächt, soll er treülich zusehen, das es vleissig außgetroschen unnd nit geschleitert werde, sie sollen khain traidt noch habern ausser seines vorwissens abwindten, noch von dem tennenn bringen, auch niemandts anndern, alß lang sie alda zuarbeiten haben, allain dem gottshaus nach einander arbeiten, beÿ verlieh- rung ihrer besöldung unnd lohnn. Soliche tröscher sollen mit vorwissen des hofmeisters aufgenumben unnd ihnen anfanngs furgehaltten, das sie das traidt unnd habern , so sie mit tröschen erdienen möchten, dem gottshaus unnd nit frembden umb ain zimblichen phenning ervolgen lassen. [§ 19] In dem heÿmadt soll er zeitlich mit vorwissen handlen, darnach mit vleiß sehen, darmit das heÿ unndt graimadt zu rechter zeit gemädt unnd aufge- 436