Page - 437 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

9. Die Forstwirtschaft fangen, auch zeitlich anhaimbß gebracht unnd nit durchs regen wetter oder gewässer schadthafft werde. [§ 20] Er soll sich auch mit dem geschiermaister all abent underreden, was von nötten, auf jeden tag mit fhuer zu notturfft unnd nuz des gottshaus zu hanndlen unnd furzunehmen seie, damit die fuehren nit vergebentlich sun- der nuzlichen unnd notturfftigelichen angestellt werden. [§ 21] Bey den wagenkhnechten soll er neben dem gschirmaister darob sein, das sie den im gschierhoff rossen vleissig wartten, den habern , so man ihnen darauf gibt, nit verkhauffen, sunder den rossen woll geseübert zu jeder rechter zeit furgeben, dan ob ain ross durch unfleiß verdürb, soll solches ihme forster an seiner besöldung abgezogen werden. So soll er auch sein vleissiges aufsehen haben, damit die reüt- unnd wagnkhnecht mit dem heÿ unnd streÿ recht umbgehen, nit uberfluß sonnder die notturfft nehmen unnd nit unnder die fueß tretten oder in anderweeg bößlich verschwendten. [§ 22] Damit des morgens zeitlich, wohin ain jeder verordnet, ausfhar, soll ge- schiermaister mit sonderm vleiß verschaffen unnd in abwesen des forsters auffsehen. Wan sie in das closter holz fiehren , soll achtung geben werden, das sÿ nit anhang anhahen, auch zu abents vor gebüehrlicher zeit nit aus- pannen, auch beÿ straff nit gestatten, das sie unnüz leifertiges gesündt oder dergleichen zu sich in den gschierhoff füehren oder aufhaltten, all unzucht , gottslesterung unnd uhnehr verhietten, dieselbst auch nit beweisen a, beÿ verliehrung des ambts, item wider die gebüerlich zeit nit sizen oder spillen oder zu ungewönlicher zeit mit leichtern unnd feür in den ställen , heÿsta- delen oder sonnst dardurch b dem gottshauß schaden geschechen möchte umbgehen lassen, sonnder allenthalben guette wierdtschafft unnd ordnung in dem geschierhoff halten, demselben sambt dem gschiermaister , welcher hinfiero auch ainen schlüeßel darzu haben solle, zu rechter weill unnd zeit auf unnd zuesperren. Wan ainer ain aufruer unnder ihnen, seÿ wer da woll, der die straff nit annehmen, sonnder seines gefallens hanndlen woltt, so soll er es dem hofmaister zeitlich anzaigen, der wierdt mit straff , wie sÿ gebüerth, gegen ihme zuverfharen wissen. [§ 23] Item wan er forster in des gottshauß namen eisen khaufft, soll er dasselb ain jede sorten mit ihren aignen namen, auch wievill zenten, phundt dasselbig gehaltten, beÿ seiner raittung in emphanng unnd wie dasselbig verbraucht or- dennlich widerumb in außgab stellen, damit man wiß, wohin es khumbt, auch dasselbig alspaldt in das closter ohn das gewöndtlich ortt überantwortten. a unsicher b über der Zeile ergänzt 437