Page - 460 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition straffmässig, dessen den herrn praelathen berichten, unnd da es ohn des gottshauß schaden sein khan, mit vorwissen umb ein bestandtgelt verlassen. [§ 14] 14. Dieweill wissentlich, daß die Eüpeltauer , Enzerstorffer , Corneuburger , Tuttendorffer , Nußdorffer unnd Khalbmperger vill gras in auen ohne be- willigung und erlaubnuß hinwegkhbringen, soll forster dasselb allerdings einstellen oder dem gottshauß zum gueten anwenden unnd verraitten. [§ 15] 15. Gleichfals ist an der Nußdorffer au , da ein urfahr gemacht, soll dem gottshauß ebenmessig einbringen darumben beschehen. [§ 16] 16. Es soll auch forster ainige erdt ohne des herrn praelathen unnd der obercammer verwilligung nit abegeben. Da aber ÿemandt was bewilliget, soll forster in den wochenzetl den orth und wievil tagwerch abgeben unnd aufzu- heben bewilligt, neben dem werth waß darumben bezalt, vleissig einsezen. [§ 17] Wisen und heÿmadt 17. Alle des gottshauß wäldt unnd au, wisen und gärtten sollen im frieling , so baldt die khelde unnd schne füerüber, vleissig geseübert, außgereith unnd wo es die gelegenhait gibt, gewässert unnd woll verfridet, auch vergra- ben werden. Destwegen er sich dan umb guete, starckhe, arbeitsambe vier tagwercher im maÿr- unnd gschierhoff , die durch das ganze jahr zu aller füerfallender arbeithung trüglich aufzuhalten, bewerben solle. [§ 18] 18. Fürnemblich ligt dem forster ob unnd wierdt ihm hierdurch auferlegt, das er sovil wegen der alhieigen wisen auf das wenigist acht, alß enthalb der Thonau mit vorwissen des herrn praelathen acht starckhe vleissige mader , die alles heÿ , wan es weder halben sein khan unnd müglich ist, 14 tag vor dem erndt auf die pöden bringen, umb billichen lohn gedingt werden, deren obrister unnd vormader ein unterthan oder angesessner holzhackher , welcher in dem dorff, da er haust, beÿ gueten leüthen seines vleiß und treu wegen ein guetes lob hab, sein soll. [§ 19] 19. Die gärten unnd wisen , welche graimadt tragen, sollen erstlich vor den andern gemähet unnd hernach (da es sein khan) woll gewässert werden, inmitls ist menigkhlichen beÿ straff unnd pfendtung des viech darauf zu- treiben verboten unnd soll forster , inmassen es zuvor geordnet, solches beÿ den richtern unnd gmainen zeitlich einsagen, sich vor schaden zuhüetten und dem halter zubevelhen unnd verbieten wissen. [§ 20] Von dem maÿrhoff zu Tuttendorff 20. Beÿ dem maÿrhoff soll er forster alles vleiß unnd ernst darob sein, damit der maÿr seinem maÿrdienst, wie sichs gebiert, vleissig abwartt unnd 460