Page - 461 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

9. Die Forstwirtschaft beÿwohne, beÿ hauß neben seinem weib unnd dienstleüthen alle arbeith verrichte unnd dem viech vleissig wartten helffe, auch guet zucht, erbark- hait unnd vorderist gottsforcht anstelle und erhalte, die ackher mit prahen, müsten, fergen und andern nottdurfften versehe. [§ 21] 21. Er soll auch mit grossem vleiß die wünter- unnd summer -sadt jede zu rechter zeit anstellen unnd verrichten, die fexung aber, es seÿ pau- oder zehent -traidt , habern unnd anders mit besten vleiß einbringen unnd vor schaden nach vermögen treulich verhüetten. [§ 22] 22. Im einfüehren, es seÿ heÿ oder graimadt , zehent - oder pautraidt , habern oder anders, insonderhait zu lesens zeiten solle forster füer sich selbst guete achtung geben unnd die verordnung thuen, das die wägen mit aller notturfft vleissig zuegericht unnd sovil müglich zu ersparung etlicher vergeblicher fuehren, zeit unnd tagwerch in einer anzahl miteinander wol geladen unnd dan wider zugleich abgeladen werden, auch den khnechten nit zeitlichen feÿrabent zumachen verstatten. [§ 23] 23. Sovil daß heÿ unnd graimadt belanget, soll zu Tudtendorff unnd im gschierhoff vermerckht werden, wievil fuehren auf jedwedern poden unnd von welcher wisen dasselbig abgefüerth worden, alß dan soll er dasselbig weder im gschier- , noch maÿrhoff heüffig unnd unnuzlich anzuwenden unter die streÿ zuvermengen durchauß nit gestatten, sondern mit dergleichen füetereÿ sauber unnd gespärig umbziehen und woll anzutragen verordnen unnd destwegen bißweilen auf den poden zuesehen, damit er beÿleüffig, ob etwas in vorrath verhanden unnd wie weit er gelangen khan, wissen und verordnugn thuen möge. [§ 24] 24. So ist auch beÿ straff hoch verboten, das weder im gschier- noch maÿrhoff von der füettereÿ das wenigist fremden persohnen nit wegkh gegeben oder dergleichen ainige stallung oder einkherung nit verwilligt oder zuegelassen werde. [§ 25] Tröscher belangent 25. Forster soll auch zeitlich auf baide tennen umb taugliche tröscher auß des gottshauß unterthanen zuwerben gedacht sein, dieselben beÿ dem herrn praelathen anmelden, damit jemant, wer ihr g(naden) geföllig, geordnet unnd mit ihnen den tröschern ein billiche bedingnus unnd verlaß gemacht möge werden. Dieselben soll er, forster , außführlich mit namen deren, so daß tröschen angedingt unnd verlassen, auch der tröscher unnd waß man von jedem muth zugeben geschlossen, in seinem wochen zetln einbringen, sonderlich auch in der bedingnuß dahin gehen, das die tröscher alßbalt, so es zu dem einfüehren khumbt, auf beeden tennen zu tröschen anfahen. 461