Page - 463 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

9. Die Forstwirtschaft unnd wagenkhnecht alle Sontag, fest- unnd feÿrtag den gottsdienst unnd khirchen vleissig besuechen, alle unzucht , gottslesterung unnd unehr ver- hüetten, leichtfertige weiber unnd unnuzes frembdes gesündt nit aufhalten, wider gebierliche zeit nit aufsizen noch spillen , auch zu ungewöhnlicher zeit mit leicht unnd feuer in den ställen unnd städlen oder sonst (dardurch scha- den entstehen möcht) nit umbgehen, sonder allenthalben guete wiertschafft und ordnung halten. [§ 32] 32. So soll forster unnd gschiermaister auch alles ernst darob sein, das die khnecht den rossen mit füeterung unnd strigln vleissig wartten, den habern nit verkhauffen, auch an baiden orthen im gschier- unnd maÿrhoff mit heÿ unnd streÿ sauber und gesparsamb umbgehen, das heÿ nit unter die streÿ verdreten oder in ander weg bößlich verschwendten lassen, morgens zeitlich, wohin ein jeder verordnet wierdt, außfahren. [§ 33] 33. Es soll auch der gschierjung in den ställen täglich vleissig außmisten unnd die roßspaden säubern, wie auch das heÿ unnd füetereÿ vleissig füer- richten, damit die khnecht an ihren verrichtungen nit gesaumbt werden. [§ 34] 34. Es sollen auch die khnecht im gschierhoff beÿ straff weder ain noch an- ders holz zu Weidtling noch vor unnd in der statt ablegen unnd verkhauffen, darauf der forster sein vleissig auf- unnd nachsehen haben soll, also soll auch der mist unnd streÿ auß den ställen im gschierhoff nit verkhauffen, sonder denselben an die orth, welche man benennen unnd auszaigen wierdt, füehrn. [§ 35] 35. Damit es an gueter ordnung nit manglen, soll forster sich täglich beÿ herrn praelathen mit anzaigung seiner gethanen unnd vorhabenten verrich- tung anmelden, alßdan das jenige, waß angeordnet, alle arbeith zeitlich in das werckh richten unnd sein vleissiges nachsehen haben, ob demselben, waß angeschafft ist worden, ein genüegen beschehen oder nit ainigen unge- horsamb oder muetwillen unter dem gsündt nicht gestatten. Wan aber ein aufriehrer unnd muetwilliger, der die vermahnung unnd straff nit annem- ben, sonder seines gefallens handlen unnd andere auch darzue erwegen wolte, unter ihnen währe, denselben soll er mit hilff des hofmaisters zu gebierlicher leibsstraff halten. [§ 36] 36. Forster soll auch an baiden orthen verhüetten, das weder der maÿr noch gschiermaister , weniger die dienstleüth anderen alß von ihme mit vorwissen angeordnete fuehren, weder umbs geldt noch sonsten, nicht verricht, auch alle aigennuzigkhait verhüet werde. [§ 37] 37. Also auch im maÿrhoff , da die roß nit nothwendige fuehren hetten unnd mit seiner verwilligung unnd vorwissen etwaß verdienen khönnen, soll fors- 463