Page - 464 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition ter dasselbig von dem maÿr empfangen unnd gleichfals neben vermeldung, waß füer fuehren unnd wemb sie verricht, in den wochen zetln einbringen. [§ 38] 38. Er forster soll auch ohne vorwissen in die weite nit verraisen, noch unnothwendige zehrung füehren unnd einstellen. [§ 39] 39. Sein jahrs raittung soll er ordenlich unndt lauter machen unnd sich be- fleissen, das er nit allein durch verkhaufftes holz den gschier- unnd maÿrhoff mit aller notturfft, auch außzahlung des gesündts unnd der handtwercher versehe, sonnder dem herrn praelathen jährlich ein zimblichen überschus in das cammer ambt überraiche unnd also den empfang in allen, es seÿ an verkhaufften waldt - unnd auholz , von verkhaufften dem gottshauß un- prauchsamben rossen oder füllen, allerlaÿ fuehrn, waidtgelt unnd andern beÿ haller unnd pfenning vleissig einsezen. [§ 40] 40. Daß auholz soll in der raittung unter ainer absonderlichen rubrickhen oder titul einkhumben, also auch daß waldtholz absonderlich einsezen. [§ 41] 41. Forster soll auch hinfiero khainem handtwercher , er seÿ wer er wölle, in abschlag nichts bezahlen, er habe dan zuvor völlig mit ihme abgeraith unnd dasselbig in der wochen zetl eingebracht. [§ 42] 42. Gleichfals soll es mit den holzhackhern gehalten werden unnd wie oben vermeldet jederzeit von herrn praelathen ain oder mehr persohnen, so zu besicht- und abzehlung des holzes neben ihme forster geordnet sein. [§ 43] 43. Also soll er auch die dingnus mit den madern unnd treschern mit deren, so von des gottshauß wegen darzue geordnet unnd neben ihme forster dar- beÿ gewesten, unterschribener handtschrifft füerlegen. [§ 44] 44. Die tagwercher soll er alle neben vermeldung der verrichten arbeith in denen wochenzetln einsezen, daß man sich in aufnembung der raittung darnach zu richten wisse. [§ 45] 45. Er soll auch den dienstleüthen, sie sein gleich im maÿr- oder gschierhoff , in abschlag nichts einsezen, er wolte den zuvor wie lang ein jeder dient unnd gedingt, waß sein lidtlohn unnd verrichtung seÿ. [§ 46] 46. Forster soll auch in seinen wochenzetln vermelden, waß der wagner unnd sadler jede wochen gearbeith. [§ 47] 47. Die gemainen außgaben soll er auch maistes thailß mit vorwissen thuen unnd weder im gschier- noch maÿrhoff neues nichts khauffen, noch machen 464