Page - 494 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition oder angeziekh , khinen auch alle vierzahen dag oder auf lengest in 20 dag die peill thue mit einen mess[er]b abgeschniden ainen messer schneidt dickh. [§ 4] Auch alle acht dag die kheller fleissig abkhert unnd alle acht dag das erdrich fleissig aufgeschoben, sonderlich da man gehet, das erdrich aines mösser rueckhen dickh aufgeschoben, davon gehet die khelten, die pfloster kheller seint nit guett ursach, das khott, so man an den schuchen hinein tregt oder sonsten hinein khombt, das bleibt zwischen den steinen, das wirdt faull, stinckhet unnd thuett den wein schadten. [§ 5] Die wein im gantzen jahr nach der zeit zuerhalten unnd wartten. Item die wein soll man zwischen Martini unnd Ostern vor uberige hitz unnd khelten verhietten, zwischen Ostern unnd Pärtlmehe vor hitz unnd himelitz auf sie nit schlag, zue rechter zeit thüer unnd fenster auff unnd zu thuen, dan der plitz unnd hitz thuen c schadten den wein . Man soll auch wißen , das sich umb weinachten , mertzen unnd so der plitt gehrn erheben unnd arbeitten, solt ir auch dißer zeitt fleissig fiellen unnd die spindt fleissig auß waschen unnd waschen mit rainen tichlein, den wan ein wein wohn steht, so er empfeht, er khaimb unnd wirdt liederlich anziekh . Soll auch die thichlein inn haißen dagen gar sauber außwaschen, damit der unflott umb das peill sauber außgeputz seÿ, dan es in sonst gor polt schadt unnd anziekh wirdt. Es ist auch der wein nicht zu machen, wen er im plit ist unnd umb weinachten noch in großer hitz, er sei gleich zöch , rott oder wie im welle. Jedoch nott pricht eissen, so du ainen zu der speiß oder außschenkhen muest, moch in mit dem ainschlag oder obzug, dornoch der mengel hat, dos finstu vor unnd hernach genuegsamb guetter underrichtung. [§ 6] Die zeit zum wein lesen Die weisen leith im Grie[chi]schen sprochen, es sei die rehte wein leß zeit hort zuerkhenen, wan der wein , so von den wein reben khombt, die man vor der rechten zeit oblöst, wiertt siech unnd khranckh, ists aber soch, das die weinper fost zu zeittig wehren, das sÿ fouleten, so schneidt die frischen und foullen khörner von den frischen oder der selb wein verdreibt und wirth unbestendig, sovil von der kheltten alls von der hitz uberig, das hat ein griechischer maister gesprochen, das ain jedlichem rechte leß zeit wierdt inner siben dogen, damit erkhenen, das die wein pehr recht zu zeittig sein. Wen di wein pehr gohr sieß sein unnd sich der khern löst prechen unnd die tröster khernen praun werden unnd sich der wein löst außdruckhen vonn dem polg, wen auch des weines frucht khlebt in den henden oder fingern als b Blatt eingerissen c folgt gestrichen: den 494