Page - 497 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent [§ 18] Ein guetten starckhen wein lindt zu machen etc. So besich im somer , das du habst khorn plaumben , sennff plie unnd wickhen plie , die beholt sauber in herbst , so die in den wein machen wilt, nimb die drei pli, eines sovil als das ander, in ein guett vaß , das druckhen ist unnd geuß ein guetten wein most daran, loß das ligen biß das er an denn plien vor iest unnd auf wierfft unnd wen der wein gloß lautter wierdt, so khost in, so wierstu sprehen, du hast khein pessern wein gedrunckhen. [§ 19] Zue merckhen, die so gelesen werden vor dem raiff, ehe sie zeittig seindt, die seindt nit guett wehrhafft noch unnd die wein , so sie uberige zeittig seindt, sein auch nit wehrhafft, auch sonderlich, wan sie uberige hitz unnd kheltten leitten. Notta: die wein thrauben , so sieß sein unnd die kherlein gehrn sieß außgehn unnd seindt rain und sauber unnd das foist khlebt an den fingern unnd die pehr heben an khlain runtzelt zu werden, so ist der wein zeittig zue leßen, auch sollen die wein tretter die fieß sauber außwaschen unnd die unzeittigen wein thrauben außwerffen, si bringen sonsten schaden, also die guetten wein per faulen unnd die unzeittigen jedlichs besonder zerstossen oder presen, damit ein thaill dem anndern nit verderben. [§ 20] Im Hornung Inn disen bemelten monat soll ain jeder khellner alle wein , es sei was ge- wächs sie wellen, von poden auf rieren. Das soll beschehen in den winder , so der man ain vier dog alt ist. [§ 21] Volgen erstlichen zue den wein , die einschlög, wie dieselben gemacht unnd gebraucht sollen werden. Einschlag auf 40 oder 50 dreilling wein zu machen etc. mußcattus gallandt langen pfeffer " & $ jedes 2 loth der stuckh weisen weinrauch allain zitterann mieren veiglwurtzen " & $ jedes 3 loth der stuckh weisen senniff innver anneiß 3 loth barriß kherner 3 loth 497