Page - 502 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition veigel wurtzen 2 loth nägl 1 loth zimet rinden 1 loth imber 1 loth anneÿß 1 loth muschkhatmuß 1 loth poriß 1 loth khernen 1 loth [§ 34] Diese stueckh alle undereinander zerriben, allein denn weissen weiroch unnd denn timion dorffs nit stossen, der ist vorhin gestossen, nimb dorzu ain uber loss(. . . ) khochl, dorein thue 2 lb schwebl unnd loß in auf einer gluett zergehen und dornoch dise stueckh alle dorein dempferierth, denn thritten thaill beholt heraussen, dann nimb ein rupes thuech, zwen oder dreÿ finger preith, das zeich dordurch unnd in durch ziehen wirff das stup dorauf, so hastu einen gerechten einschlog zu allen wein , die man gohr schön und frisch hot. Mag mannß brauchen, das man ein wein soll obziehen, so bereith die vaß schön, nimb in halbes mäßl prandtwein zu einen dreÿling unnd spreng es in das vaß , allentholben das das voß zuegeschlogen, nimb einen ring oder einschlag, zu einen dreiling ain gantzen ring an einen eissern drath unnd in das voß gehength, dem spundt mit einem nossen hodern woll vermacht unnd also stehen lossen, ain stundt oder zwo, dornoch denn wein dorein obgezogen unnd also bei ein 14 tagen ligen lassen, so wirth er guett unnd gerecht. [§ 35] Einen starkhen wein zuemachen, daß die leith bolt drunkhen werden Nimb ein pfundt rauten samben unnd stoß es woll zu einen pulffer unnd nimb ein (. . . )otting zueckher , zerstoß jedes insonderheit unnd in ein söckhl gethon unnd in den wein gehenckht, wo wierdt er storkh unnd wer in drinckt, der mueß darvon drunkhen werden, pubol. [§ 36] Gor ein khöstlichen bewertten guetten einschlag, der hierinnen der aller- beste unnd ich Christoff, schreiber , solichen gebraucht, vann denn alten Herbitzen bekhumen unnd thue in allen mosten wie volgt. [§ 37] Erstlichen nimb 2 lb schwebl , denn zerstoß khlain unnd thue in in uber lossierten heffen oder scherben und zerloß in auf einen gluett kholl feur , dar- nach, wenn du in zerloßen host, so nimb ein braite schissel, die so zimblich dieff ist, thue darein dreÿ halb guetten wein , alls du in haben khanst, nimb denn zerlassen schwebl unnd schidt in in denn wein unnd loß in dorin ligen, alß lonng sich ein khalbs fleisch sieden mecht, dornach nimb ein schönes lautteres prun wosser unnd wosch in fein sauber auß unnd leg in auf ein multern unnd loß in an der sohnen oder beÿ einen offen fein gemach thier werden unnd druckhenen, ein 14 dornach, wan du in es zum dritten mall 502