Page - 509 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent [§ 62] Rott unnd praun wein wider zue irer rechter forb zu bringen Item nimb waitz ahrn, dorin die khernen sein, nimb ein pischl unnd hengs in dos voß wein , so wierdt er guett unnd storckh. [§ 63] Dem wein guette crafft zue machen Nimb 2 h(and voll) imber , thue es in ein säckhl, laß darein hangen auf ein manet, dornoch nimbs herauß, so ist der wein storckh unnd gueth. Nimb dorzu sollve, loß dorein hengen. [§ 64] Fier die roth wein , so er ridlet ist Item nimb fluß eitter unnd wosch in woll unnd nimb zwo handt voll unnd sovil solz und thue es in ein pfannen, rier es durcheinander, hitz das dos salz zergehe, thue es in ein langes säckhel, hengs miten in denn wein , so wierdt er guett. [§ 65] Wan ein wein khein rechte forb nit hat Item nimb zu einen holben dreilling wein umb zwei khr(euzer) goffer , schneidt in khlein unnd thue in in ain khandl millich unnd seit in unnd geuß in heissen in dem wein oder nimb der millich messerers, es schodt im nicht [§ 66] Wan ein wein nit lautter will werden Item nimb um 4 d goffer unnd stoß in khlein unnd nimb auch ain milich unnd seit denn goffer darin unnd also wollent in das voß gegossen unnd woll zu gepeilt unnd ain 3 dog oder 4 stehen lossen, auch nimb dorzue 2 kandtl wasser und 2 handt voll solz und alles durcheinander hinein gegossen. [§ 67] Wan ein wein roth wierdt So nimb von einen khoch prun denn sandt , denn muestu köhren auf ein weiß thuch unnd du in gefongen host, so loß dos thuch truckhen werden an einer sonnen oder sonsten, so findest du einen sandt dorauf, den selben sandt , heb schon auf unnd beholt in und wen du einen wein [hast]z , der roth oder zäch ist, so nimb in ein 1 holben dreÿling und (. . . )aaso wierdt er schön unnd khlor. [§ 68] Das ein wein nit roth wierth Item geuß khue worme millich dorein, auf ain emer ain mäßl, und riers woll durcheinander unnd loß in woll wider sitzen, so wierdt er woll nimer roth unnd bleibt bestendig biß ans endt. z Blatt abgerissen, Wort nur teilweise lesbar aa Blatt abgerissen, mehrere Wörter fehlen 509