Page - 510 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 69] Wer lautter wein will haben Der nemb kalterion wosser und in den trieben wein gegoßen, so wierdt er gahr schön. [§ 70] Wer wein balt lautter will machen Nimb ein h(and voll) mandl khern unnd stoß es nit khlein unnd henge es in dos voß zum peill hinein unnd steckh dein prodtmesser, dos du olle tag prauchest, unnd steckh es in den hindern poden und es loß hengen, so wierdt er lautter unnd guett. [§ 71] Rotten trieben wein lautter zue machen Nimb auf ein emer ein mäßl ein wormbe khue millich unnd derunder sovill prun wasser oder von ein fliesenten wosser und darzue ungeverlich nein aÿr , don dos vaß groß ist unnd ein guette hondt voll solz dorunder zuesamben, geuß in ein scheffel in dos ander, seich es dornach in dos voß unnd fill das voß wider zu ain ersten, muestu dos vöß uber losen unnd loß in also dreÿ tog stehen, so wierdt er schön lautter. [§ 72] Dickhen wein lautter unnd schön zue mochen Item nimb gemallen seniff bb zue, threib in mit wein unnd geuß in in dos voß , schlog denn wein woll ob, loß in rieren. [§ 73] Allÿudt cc Nimb spemori unnd in wein gehenckht, er sei dickh oder trieb und saur, er wierd wider guett oder nimb kadterion, dorauß distalier ain woser unnd geuß in den wein unnd rier in unnd loß in riern. [§ 74] Die most sieß zuehalten Item nimb auf ein dreÿling zwohandt voll nestl samb , ein loth weÿroch unnd hengs in den most , so bleibt er sieß. Mostu ober haben aind pfundt mandl khern , moch ein milich dorauß und thue es in dos voß , so wierdt er milt. [§ 75] Wan du wilt einen most sieß haben Nimb ein schönes saubers voß unnd gib im ain einschlog der gerechtigkheit alls offt unnd so long, weill es im voß prinen lest, ein drei tog vor hin, ehe du den most dorein lest und wen du in dorein löst giessen, so muest du inn den dompf wollverholten unnd woll mit most dd fillen, dornach sieh, dos daz voß woll verpeilt sein, uber acht tag lost in. Ist er lautter, so zeuh bb erster Buchstabe korrigiert cc korrigiert dd folgt ein getilgtes Wort 510