Page - 511 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent in ob und beraith das vaß allso wie vorhin geschriben stehet unnd peils widerumben, allso zue, dos khein dampf dorvon khan, so hostu siessen wein wie musscatella . Es ist probiert worden. [§ 76] Alliudt Item nimb ferben wurtzen 5 loth, thue di in ein wein , der fertig ist, so werdt der wein und wollgescheschmech oder nimb waholder , spann unnd hengs in die mitten, so der wein giert und wan er wider vergiert hot, so nimb die spann herauß. [§ 77] So ein wein will verderben Nimb bendicten wurtzen unnd wosch schön auß und thue dos khrauth darvon, dornach legs in den wein , eines dropfen ist, so (. . . )ee gerecht unnd schön. [§ 78] Gar ain verdorbner wein wider (. . . )ff des jeder dorob verzagt, denn hilff (. . . )gg Nimb ein h(and voll) weinstein und verpindt in (. . . )hh pollen unnd stoß in ein frisch prun wosser (. . . )ii feur loß in dorin ligen, so lang bis (. . . )jj. Dornoch nimb in herauß unnd leg in in eine schißl unnd geuß ein viertl wein dorauf unnd rier in ob durch ein thuech unnd seit den selben wein , biß er wiert wie ein solz . Des selben wosser nimb ein peher vollen woll unnd loß in rosten ein drei oder vier tog, so wiert der verdorben wein widerumben gueth. [§ 79] Welcher wein sich von dem gemach uber nacht nit sitzen will Nimb ein viertting weinstain , ein viertting holz unnd loß das thier werden in ainer pfannen unnd zerstoß gor khlein unnd thue es in dos voß und rier in durcheinander unnd geuß füenff candl wosser dorein, so verstahts es unnd sezt sich an den podten. [§ 80] Ein nattierlichen starckhen wein zue mochen Item nimb 1 loth nögl , 1 loth muscaten , 1 lot zimet rinden unnd stoß es zu stup unnd kk thue es in ein säckl unnd heng es in den wein auf die mitten unnd wen du verstehest, dos der wein wil storkh werden, von dem gemacht, so thue dos säckl wider herauß, so ist es gerecht. ee Blatt abgerissen, mehrere Wörter fehlen ff Blatt abgerissen, mehrere Wörter fehlen gg Blatt abgerissen, mehrere Wörter fehlen hh Blatt abgerissen, mehrere Wörter fehlen ii Blatt abgerissen, mehrere Wörter fehlen jj Blatt abgerissen, mehrere Wörter fehlen kk folgt gestrichen: es 511