Page - 516 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition Diese stuekh muscathnuß unnd -plie stoß nit zue pulffer, sondern aufs kh- leinest zerschnitten unnd aufgedörth, am durchziehen wiltu den einschlog khleiner mochen, so nimb 2 lb schwebel unnd won du denn schwebl zerlasen hast unnd wolt dier prienet werden, so nimb ein essig unnd ausen umb die rein geforen, so erlischt er. [§ 100] Gewirtzen wein zu machen Nimb 2 loth zimetrinden , muscoth plier 2 loth, zitwer 3 loth, stoß khlein, heng es in ein säckhl im most , ehe er verjest unnd wen er außgiert, moch dos pödl zue, so hostu ein lustigen luftigen guetten wein . [§ 100] Zäch wein wider zuerecht bringen, bewertte stuekhl füer die zöch Item nimb der schön khistling stoin, der aufs maists ungehitzt unnd also glienet, in dos voß wein hienein gethon unnd woll zuegepeilt unnd loß stehen biß du den wein wilt außgeben, so ist er gereht unnd gueth. [§ 101] Ein anders fier die zaich Itemb nimb des wosser, so auf piersten ploter, hebs auf unnd thue es in ein gloß unnd wenstu einen faullen wein host, der im gloß ist, so nimb dieses wosser in ein holben dreilling ein holben pfenwert prandtwein sovill, so wiert der wein gerecht und schön. [§ 102] Fier die zäch Nimb die ähen rieden , schöll die öbistere rinden (. . . )lll unnd nimb die weiß, so zue nögst dem holtz (. . . )mmm dieselb unnd dör si an der sohnen oder bei den (. . . )nnn wenn sie also dör worden seint, so sto(. . . ) (. . . )ooo messer unnd nimb der ein handt voll (. . . )ppp in dos voß und loß drei qqq tog (. . . ) rrr, so ist er gereht unnd gueth. [§ 103] Wenn sich ein wein verkhert unnd zöch will werden Nimb ein dickhes leines thuech unnd thue denn spundt vann vaß hinweckh unnd legs uberdas peill unnd ein gesottenen aschen darauf, reiß ein schön wossen auß, der schön grien ist unnd leg in auch daruber, dornach nimb ein spinndl unnd stich darmit durch denn wessen, dos er unden zum zapffen mag herauß rienen. lll Blatt abgerissen, mehrere Wörter fehlen mmm Blatt abgerissen, mehrere Wörter fehlen nnn Blatt abgerissen, mehrere Wörter fehlen ooo Blatt abgerissen, mehrere Wörter fehlen ppp Blatt abgerissen, mehrere Wörter fehlen qqq folgt gestrichen: unnd rrr Blatt abgerissen, mehrere Wörter fehlen 516