Page - 529 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent beÿ dem namen des weingartten in aa raittung stellen, auch wer den selben pauth, wievill arbaitt darinnen verricht unnd bezalt worden, alles ordenn- lich unnder derselben reibrigkhen stellen. [§ 18] 18. Er soll füer sich selbs unnd an wissen des herrn prelaten khain arbait durch zümerleit , maurer , stainmetzen unnd dergleichen nicht füernemen. [§ 19] 19. Was aber für arbait unnd gebeu mit wissen des herrn prelaten füerge- numen, soll er alle hanndwerh[ke]rleit , als zimerleüt , pinter , stainmetzen , maurer , tagwercher unnd all arbaitter wochenlich aigenntlich auffschrei- ben, was unnd wo dieselben gearbeit, ainen jeden mit nomen einstellen. [§ 20] 20. Derhalbenn soll er auch auf sollich arbaitter bb vleissig unnd treulich sehen, darmit nicht vergeben, verabsaumbt noch dem gotshauß zu nachtl gehanndelt werde. [§ 21] 21. Was sonnst füer hanndwercher , als schmidt , schlosser , haffner, tisch- ler unnd annder zum gotshauß arbaitten, soll er annzaigen, das dieselben khainen dem gotshauß zuhörig, ausser seines wissen nicht machen noch arbaiten. Was er aber machen läst, dasselb soll er vleissig aufschreiben unnd mit innen abraitten, von innen zetln unnd verzaichnus irer arbait nemen unnd zuer zeit seiner raittung einlegen. [§ 22] 22. Was er für holtzwerch, schintl , ladn, auch eysengeschier unnd nagl eink- haufft, soll er in seiner raittung lautter anzaigen, wohin unnd zu wellicher notturfft sollich gattung vernutzt werden. [§ 23] 23. Was er für leilachen, stroseckh, schisseln, täller unnd annders in die höff unnd weinzierllheuser einkhaufft und den hoffmaister , weinzierll unnd knechten zuegestelt, soll er aigenndlich auffschreiben unnd in seiner rait- tung füerbringen. [§ 24] 24. Er soll ain cc jeden dienner, in des weinkhellnerambt gehörig, mit nomen einschreiben, wan derselb angestandenn, wie mit ime gedingt unnd was er im an seiner besoldung geben hat, in seiner raittung lautter füerbringen. aa folgt in C und D: sein bb C und D: arbeit cc fehlt in B 529