Page - 592 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition tung haben unnd mitt inen denselben gemeß hanndlen, dem gottshaus zue guettem unnd sonderlich vleissig achtung haben, das sÿ daß vischwasser des gottshauß nach alttem herkhumen auf die ordenlichen gemerckh vi- schen, dem gottshauß die poseß hanndhaltten, darvon nicht enndziechen noch annder unnd frembte vischer sich aintringen lassen. Wo sich darbeÿ zuetrüeg, solle ehr den vorzug dem prelatten antzaigen, damitt zeittlich fürsehung beschehen, abbruch unnd einfahl dem gottshauß verhüett werde. Khuchlmaister solle achtung haben, das die visch durch die vischer in den auen unnd lackhen nitt verhaltten werden, das all visch beÿ dem gottshauß eingesagt werden. Wellicher vischer aber daß uberfur , demselben sollen die unangesagten visch genumen werden. [§ 8] 8. Item mer soll khuchlmaister auf das reiß vigerwerch achtung haben, darzue im eÿßen, damitt dem gottshauß an seiner gerechtigkhaitt nichtß enndzogen werdt. [§ 9] 9. Item khuchlmaister on vorwissen unnd willen des herrn prelatten vonn khainem maister visch mer einemenn, dan es seÿ, wie vonn alter her brei- chig, ain stattlich herrn essen unnd wie es auf ainß herrn prelatten taffel gezimbt. [§ 10] 10. Wan man beÿ dem gottshauß visch einsezt oder sunsten khauft, sollen diselben nindertt annderst wo hin in die winkhel vertragen, sonnder zue der khuchl gebracht, alda orderlich unnd zimlich angetragen unnd verspeist werden. Es soll auch khain khuchelmaister oder gewelbschreiber für sich selbst mit den visch kheuffel in hanndl stehn, sonnder nur allein seinen diennst dem gottshauß, vonn wellichem ehr sein besoldung unnd unnder- halttung hatt, zue nuz unnd guettem vleissig unnd threülich außwartten. [§ 11] 11. Kuchlmaister solle alzeitt selbst oder in seinem abwesen der gwelb- schreiber beÿ dem zueschrotten sein, den khöchen die stuckh nach der zall zuestellen unnd vleissig aufsehen, das sÿ c die speiß recht unnd mitt vleiß khochen, nitt vor der gebürlichen malzeitt die pest suppen oder vleisch davon geben oder in haimblichen winckheln verzern. Damitt sich nitt daz gesindt beschwärn müge, es werde dan, das ain diener aus raisen müest unnd ainer suppen begerte, dem soll dieselbig gegeben werden. [§ 12] 12. Zue der malzeit solle khuchlmaisteer selbst ausspeisen unnd ainem jeden sein zimliche pfrüendt raichen, sonnderlich soll ehr acht haben, da- mitt auf ein jede person uber ain halbß pfundt nicht geben werden unnd c über der Zeile nachgetragen 592