Page - 634 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition Item dem holzhackher alle Suntag oder Freÿtag zwaÿ laibl gesindt brodt . Dem cabrantisten, do dem organisten die pläßpälg hebt, alle tag dreÿ laibl gsinndtbrodt . Dem hofbalbierer , so offt man padt oder balbiert, herrn brodt dreÿ laibl, gsindt brodt dreÿ laibl. Den tiscantisten in der fassten, so sie die lithaneÿ singen, vier laibl gsinndt brodt . Dennen unnderthonen , so zum gottshauß khumen, so nicht über nach blei- ben, jedem ain laibl. Die aber über nacht bleiben, jedem gesinndt brodt zwaÿ laibl. Dem maÿr zu Tuttendorff nach gelegenhait gsindtbrodt zwaÿ laibl. Des grunndtschreibers pueben zwaÿ laibl gsindtbrodt . Item der jhenigen herrn pueben auf dem oberessen allen mitainannder ai- nem jeden ain tag gsindtbrodt zwaÿ laibl. Den armen leüthen, so zum gottshauß täglich khumen, jedem gesinndt brodt ain laibel geraicht werden. [§ 26] Gegen diesen seinen diennsten haben wir ime zu järlicher besöldung zue- geben zuegesagt, vierundzwainzig gulden, seinem tisch am oberessen , ne- ben anndern unnsern officiern , zu jeder mallzeit ain halb wein , auch zum schlafftrunckh ain halbe, alles oberessen wein . Wo wir ime aber des diennsts bemüeßig oder er von besserung seines nuz wegen sich in annderweg be- werben wollt, woll ain thaill dem anndern solliches ain Quottember zuvor aufsagen. [§ 27] Dieweill aber dise zeit nicht alle notturfftige articl in schrifft gestellt mügen werden, was dem pfistermaister zu nuz des gottshauß vonnötten unnd für guett ansiecht, soll er dem herrn prelatten anzaigen unnd in albeg des gotts- hauß schaden wendten unnd frumben befürdern. Auch behallt ime der herr prelat bevor, dise instruction nach seiner g(naden) gefallen unnd notturfft zu mindern, zu mehrern oder gar aufzuheben unnd zuverneuern. Ungeverlich deß zu warem uhrkhundt sein dise instruction unnd bestallbrieff zwo mit gleichem lautt zu stänndten gschriben unnd mit unnserm vorgenanndts brobsts, auch sein pfistermaisters handschrifft unnd pedschadt verfertigt unnd ainß unnß, das annder ime behenndigt. [E] Actum zu unnser lieben frauen gottshauß zu closterneuburg den ainuns- zwainzigen tag monats Martÿ, der wenigern zall Cristi, im aintausent fünff- hundert unnd zwaiunndachtzigisten jhar. [L.S.] Sebastian Polsinger 634