Page - 636 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition übersehen d unnd eraitten, ob nit in den latus oder der summa gefehlt seÿe, auch nit weniger den f wochenzettel unnd die rapulatur recht unnd just collationieren, damit beede thaill die jahrs raittungen unnd wochenzet- tel miteinannder accordieren unnd hierin khein confusion fürüber lauffen möchte. [§ 2] 2. Annderten soll pfistermaister ohne erlaubnus nit ausser deß clossters oder der pfistereÿ ligen, unzeittige gasstereÿen darin anrichten, noch solches seinen undergebenen zuthuen gestatten, sonndern wo er solches beÿ dem pfisster gesindl (kheinen außgenomben) deß unzeittige oder ÿberflüssige essen unnd sonnderlich die schödliche trunckhenheit spüeren wüerdte, soll er diß beÿ ihnen alßbaldten abstellen unnd ihnen ausserhalb, nirgendt anderstwo alß in der pfistereÿ , zueligen gestatten, deßwegen er dann alle abents vleissig visitiern, ob sie alle beÿ hauß, damit, wann ein visitation von dem herren praelathen , decano oder wem er dasselbig befilcht, fürüber gehe, man sie auf fürfallundte noth, sonnderlich aber beÿ nächtlicher weill an gewöhnlichen orthen, wohin sie dann deputiert, zuefindten unnd für sie gebüerliche andtwortt zu wissen gebe. [§ 3] 3. Dritten soll pfistermaister auch in allweeg sein fleissiges aufsehen auf sein undergebenen speiser , müller unnd peckhen gesindl haben, daß sie khain rauffhandel in der pfistereÿ anheben, noch sonnst einannder nit beleidigen, scheltten oder schmächen, von deme nun einem oder mehrern solches solte erfahren werden, gegen dem oder denen soll pfistermaister auf zuvor gehalt- ten verhör eines jeden verprechen nach mit gebüerlicher straff verfahren. Wo fehr aber daß verprechen so gross wäre, so soll er daßselbig ordenlich auf die ober cammer oder aufs wenigist für herrn hoffmaister bringen. [§ 4] 4. Viertten, demnach nun daß spillen ein schödtliches übel, darauß viel unnd manicherleÿ hizige reden unnd enndtlich grosse schlaghändel endtstehen thuen, welches spillen sonnderlich unnder den peckhen gesindel ein vast ge- maingelicher gebrauch ist, daß sie sich nit allein beÿ demselben nit fridtlich betragen, sonndern auch Gottes, seiner wehrten muetter unnd allen lieben heilligen mit leichtferttigen fluechen übigelich vergessen, also soll pfister- maister hiemit alles ernsts auferlegt sein, sein vleissige aufacht zuehaben, daß der gleichen nit fürüber gehen lasse. Unnd da er solches selbst sechen oder durch anndere erfahren wüerde, daßselbige alßbaldten beÿ ihnen wend- ten unnd abstellen unnd vor allen dingen dahin gedacht sein, daß guette d A ′: lesen e in A ′ über der Zeile ergänzt: überraitten f A ′: die 636