Page - 639 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

12. Das Pfisteramt jedem mezen 85, 86 oder 87 par, welches in seiner unverennderten grösse der zwölff loth jederzeit verbleiben, empfanngen unnd in den wochenzettln wochentlich einbracht werden sollen. Wann die starckh wintterszeit aber fürÿber unnd es wider gegen dem früehling gehet, mag pfistermaister daß brodt wider in voriger, doch nit überfleissiger grösse, weillen in dem ganzen gottshauß gespüerdt wüerdt, daß sie dasselbig mehrers thaills verkhauffen, pachen lassen.g [§ 11] 11. Wann eß außspeisens zeit unnd die essglockhen gelitten, soll pfister- maister alßbaldten außspeisen lassen, damit niemandt an seinen geschäfften verhindert werde. Darbeÿ er, pfistermaister , allwegen, es fallen ihme dann sonnderbare ambts verhinderungen für, sich befindten unnd zuesechen solle, daß die außspeisung deß brodts nach der ime angehendigten sonnder- baren instruction deß brodt außspeisens recht unnd ordenlich bescheche. [§ 12] 12. Eß solle pfistermaister sonnderlich auf die mühln , daß sie nit feÿeren unnd die müller im mahlen recht unnd woll hausen, vorderist auch sein vleissiges aufsechen haben, daß sie niemandts anndern, alß dem gottshauß mahln, damit deß gottshauß jederzeit mit melb der notturfft nach versechen unnd daran kheinen mangel leiden möchte. Deßwegen er desto öffter den mühln zuesechen solle, waß für maltter verhandten, auch wie es mit der maß sowoll in der pfister , sonderlich aber auf der Weidlinger mühl beschaf- fen, damit nichts undergeschlagen oder frembtes maltter gemahlen werde. Da solches beschechen, soll er den müller hierumb mit gebüerlicher straff fürnemben, eß were dann, daß deß gottshauß underthan einer zue Weidling auf solcher mühl , doch mit vorwissen unnd ohne deß gottshauß nachtl unnd schaden, zuemahlen begehrt, deme es dann gegen raichung der gebüer, wo es obangedeütter gelegenheit unnd gestalt der sachen nach sein khann, nit abgeschlagen, welches aber in allweeg mit vorwissen unnd zuelassung deß pfistermaisters beschechen solle. Waß nun daß mahlen ertragen wüerdt, soll müller ordenlich einzeichen unnd verraitten. [§ 13] 13. Soll pfistermaister vor allen dingen dahin gedacht sein, daß er daß maltter hinfüro biß auf verrere verordnung muth weiß jeden zue 30 mezen, doch ungereütterter gegen empfachung 49 gestrich mehl unnd khleiben , auch allweegen daß elter traidt auf die mühln zumahlen geben lassen unnd fürnemblich dahin trachten, daß er, wann wasser verhandten, dem pfister müller ein muth solches traidts, wie es dem müller zue Weidling geliffert, fürderlichst auf die prob zuemahlen geben, darauf er vleissig achtung haben solle, daß solches gerecht unnd der billichkhait nach außgemahlen werde. Wo es nun ein mehrers alß obgesezte maß mit sich bringt, ertragen möchte, dasselbige soll er auch von jedem muth, so auf der Weidlinger mühl gemah- len unnd hinfüro weniger nit empfachen unnd einnemben. 639