Page - 641 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

12. Das Pfisteramt vor allen dingen deß gottshauß bedientten kheüfflich widerfahren unnd wochentlich in der wochenzettl absonnderlich einstellen lassen, wievil, auch gegen wem, er solche kleiben verkhaüfft; volgundts wider in der jahrs raittung die verkhauffte kleiben in der außgab ordenlich spcificiern unnd dargegen daß geldt ihm geltt empfanng in ein sonndere rubrigkhen sezen, in allweeg aber dahin sechen, daß an nottürfftiger füettereÿ khein mangel oder abganng seÿe. [§ 18] Verspeisung 18. Die verspeisung betreffendt, solle pfistermaister sich in allen irer g(naden) gemachten unnd ime angehendigten instruction unnd ordnung ge- mäß verhaltten. Waß aber die festtäg anlanngen thuen, zu welchen man ab- sonnderliche wegkhen , aÿrfladen unnd strinzeln aintweder für ir g(naden), herrn decanen unnd anndere herrn geistliche oder weltliche persohnen zu pachen pflegt, solle pfistermaister nit für sich selbst, sonndern mit vor- wissen irer g(naden) oder anstatt seiner nachgesetzter herrn thuen unnd pachen lassen, auch daß gewicht, waß ein jedes wigt, ordenlich in denen wochenzetteln einbringen, fürnemblich auch altem gebrauch nach zue den vier gefallenen hochen festtägen einem jeden officier , schreiber unnd cora- listen oder waß sonnst für besolte dienner ordinariter auff der officier essen möchten, einem jeden anstatt eines par beschlagenen brodts ein paar revent - unnd sonnst den annderen, eß seÿ im closter, reidtstall , geschierhoff , spittal unnd sutten oder anndern orthen für daß gesündtbrodt ein paar beschlagens passiert werden. [§ 19] 19. Pfistermaister soll von dem gwölbschreiber , spittlmaister , maÿr , gschier- maister unnd anndern, welche füettereÿ auff ross , viech oder geflügel abfor- dern, jedes mall mit vleiß nach fragen, wie vill deß viechs seÿ, wohin mans abfordert, alßdann die stuekh allzeit in denen wochenzetteln verzaichnen unnd einkhommen lassen, die khuchel , daß spittal , maÿr unnd gschierhoff , wie auch reütstall in absonnderliche rubrigkhen abthaillen. [§ 20] 20. Die sechsthaill seindt auch hinfüero allerdings abgestelt unnd solche pfistermaister auf den cassten sich deß mezen, halbmezen, vierttl, achtl unnd sechzehentheill in empfang unnd außgab gebrauchen. [§ 21] 21. Auff die schuel , wie auch dem spittal soll er wochentlich am Montag vom magister schole unnd spittlmaister die zettl abfordern, wie vill allenthalben persohnen zuespeißen verhandten, unnd ausser der zettl ainiges paar brodt nicht ervolgen lassen. [§ 22] 22. In der extra ordinarÿ verspeisung solle pfistermaister ausser absonn- derlichen bevelch niemandt nichts passiern unnd denen unnderthonnen , so 641