Page - 658 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition was in schmalz , putter , aÿr , khäß unnd milchraumb erspart unnd was füer b personen gespeist unnd unterhalten worden. [§ 16] An den fasttägen soll er milch unnd milchraumb , sovil man zu des gottshaus notturfft vonnötten, auch bisweillen in der wochen an fleisch tägen auf des khuchelmeisters begern gegen zetl oder auff den rabisch dargeben unnd sich gar nit waigern. [§ 17] Wan er dem kuchlmeister schmalz , putter , khäs, milch , milchraumb , khel- ber , hüener , khapauner , tauben , junge hüendl , indianische han oder henen , gens , antten oder andere geflügl uberantwortt, soll er destwegen zetln be- gern unnd zum fall er etwa füer khranckhe personen ÿechtes von viech oder geflüegl abtödten wuerde, solchs so woll als das jenig, so er zu des gottshaus khuchel gegeben, in seinen wochen zetln ainbringen. [§ 18] Spitlmeister unnd sein haußfrau sollen sich auch huetten unnd beÿ straff vermeiden, das sÿ weder wenig noch vill von obbeschribnen sochen verk- hauffen oder in anderweg untreülich verwenden, in bedenckhung, das man solliches alles beÿ dem gottshaus bedüerfftig oder sonsten um c pares gelt erkhauffen müeste. [§ 19] Schlieslich sollen spitlmeister unnd sein weib, wie getreüen dienst leütten gebüert, woll anstehet unnd sÿ ierer pflicht nach zu thuen schuldig, alles des gottshaus unnd spitals nuz unnd frumben befüerdern, nachtl unnd schaden, so vill immer müglich, verhütten unnd wenden, in allen dingen guette wiertschafft und ersparligkheit brauchen, insonderheit auch auff daz feüer vleissig achtung haben, damit nit etwo durch unvleiß unnd hinläs- sigkheit schaden erfolge. Hergegen soll innen sambt ieren dienstpotten die unterhaltung hievor beschribner massen, des gleichen die besoldungen , wie von alters herr gebreüchig, gereicht werden. [§ 20] Dieweil aber nit woll müglich, alles, das so vonnötten, auf ainmall ainzu- bringen unnd zu beschreiben, demnach behalten wier uns in alweg bevor, dise instruction nach unnsern gefallen unnd des gottshaus nuz, wie, wan unnd so offt unns gefellig, zu mindern, zu mehren, zuverkheren oder ganz unnd gar von neüen auffzurichten. Damit aber spitlmaister der zeitt wisse, wessen er sich zuverhalten, alß haben wier ime solche instruction gefertigt zuegestelt beschechen. [E] Beschechen – b über der Zeile ergänzt c verbessert aus: unnd 658