Page - 682 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition kürzeste haar haben, agebrauchen, mit der cardätschen gegen unnd nach den haaren,a erstlich den kopf (weil die cordätschen noch sauber), hernach den leib, insonderheit zwischen den leib unnd füessen, an bauch, schlauch unnd zwischen den arschbackhen, volgents die füeß abbuzen unnd wo daß geäder ist, hinden an kniebug anfiessen unnd nit hart anhalten, die fessel unndt oberhalb derselben, insonderheit wo die zotten sein, sowoll auch die b cron mit der cardätschen allezeit gar fleissig außbuzen, alß dan den staub, so nach der cordätschen am roß verbliben, mit dem truckhnen wischtuech an den ganzen pferdt , an kopf anfahendt, abwischen unnd daß wischtuch an den fesslen in wendig woll hin unndt wider ziehen, damit dieselbe woll geseubert werden, dann sonst werden sie an dieser beden orten gar balt raudig. Volgendts mit feuchter flacher handt fest anhalden, gegen unnd nach den harren abstreichen unnd die haar, so abgehen wollen, also abziechen unndt zu dem endt einen schwammen haben, daran man die hendt feucht mache. Nach diesen oder ist es zu spadt oder das stall gesindt zu müedt nach- mittag (weil es ohne das selbige zeit nichts zuthun) soll man die möhn unndt schweiff volgender gestalt puzen, nemblich man soll mit der ainen handt mit denn fingern die harr, so wo sie aus der haut herauß wachsen, von ein ander thun, also daß man die haut woll sehen khönne unnd mit der andern handt mit einem nicht feichten, sondern ganz truckhnen wischtuch an der haut und an den harren alda in grundt dem staub wohl weckh wischen. Man soll sie auch nicht nezen. Wen man sie wascht, soll man sie alsobald abtrickhnen oder wen man daß jenige waser, so ir fürstl(ich) gnaden der zuverordnen, gebraucht, rörichtes wurzel 2/3, kleten c wurzel 1/3 [dazugeben]. [§ 2] Wan man die möhn aufgeflochten hat unnd schlichten will, also zu der zier zureuten, soll man sie zuvor mit den fingern von ein ander thun unnd von einanderrichten unnd alß dann (unnd sonst nie) gar gemach kämpeln mit einem weitern woll gebrauchten glaten d kämpl, der nicht schifferig ist, auch nicht starckh mit dem kämpl reisen oder ziechen, damit man die haar nicht abreise und am ersten zu underst anfangen unnd oberhalb mit der einen handt die haar fest halten e, damit man sie nicht ausrauffe. Je weniger man denn pferden die möhn unnd schweiff campelt, je beser ist es. Die schweiff sol man eben auch also buzen unnd mit denn fingern anhalten, vonainander thun. An der rüppen pflögen starckhe haar herauß zuwachsen, so einen fingers lenger unnd nit lenger werden, die sein gar hart, schier wie saubörst; a –a am linken Rand mittels Positionszeichen ergänzt b über der Zeile ergänzt c korrigiert d korrigiert aus gladen e korrigiert aus halden 682