Page - 683 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

14. Der Pferdestall und das Fuhrwesen wan man nur ein wenig daran ziecht, pflögen sie lieber alß andere haar auß- zugehen; die thun den rosen gar wehe unnd verhinderen die andere harr an wachsen. Derowegen soll man die rüpp offt unnd vleisig durchsuechen unnd solche haar außrauffen, all zeit nach dem daß roß gebuzt, soll der knecht , so ihme wartet, sehen, ob ihme etwaß an den hüffen (welche, wan sie schiffrig, solches mit der respel oder sonsten weckh feillen unnd gladt machen), an den augen oder sonsten an den ganzen leib mangel, ob es geschwollen, ob die eisen rogl unnd solches den stallmaister unndt satl knecht alsobaldt anzeigen. [§ 3] Alß dann soll man die roß mit einen truckhnen wischtüechern uber unnd uber abwischen, mit der kappen und mit der leinenen deckhen in sommer , mit kozen in winder bedeckhen, f unnd leztlich auß den ständen die unsau- berkheit, so von den striglen unnd buzen in die ständ khommen, gemach (damit man die pferdt nicht wider bestaube) außkeren, so die bedeckht, so man es wider umb kehrn an baarn, den jungen rosen , so under 6 jahr sein, heu , so nicht miechtlet, welches man zuvor woll außschlagen unndt außbeitlen solle, damit es nicht staubig seÿ, in barn geben, damit sie desto ruhiger stehen. Unnd so daß auffgessen, sol mans drenckhen unnd abermalß ein wenig heu firwerffen. Wan man die roß drenckhen will, sol man ihnen, wan mans haben khan, aus fliessenden wasser zu trinckhen geben, dan die brun unnd rörwasser seint viel hörter unnd költer alß die fliessenden, seint auch den rosen viel gesünter. Unndt wan man ihnen zu trinckhen gibt, soll man sie auf einmahl nicht gnueg trinckhen lassen, sondern offt abbrechen, hier zwischen ein wenig heu geben, daß man zuvor inn einen saubern wasser eingenezt. Alß dan daß wasser wider vorhalten unnd solches, so offt unnd viel, biß es gnueg hat, unnd das trinckhens selbs nit mehr begehrt. [§ 4] Under tags sol daß stall gesint die strigl unnd cardätschen sauber ausbuzen, die wüschtüecher alle tag unnd die deckhen alle wochen einmahl waschen; es were dann eine döckh gar sehr unsauber, so soll sie alsobalt gewaschen werden. Volgents sollen sie die satl unndt zeug buzen. [§ 5] Ehe man daß nacht fueter gibt, sollen die knecht den pferden alle drite nacht g fleissig außraumen und mit gueten khie hkoth (unnd so dasselbig auf den reissen mit essig angefeucht, ists umb so vil desto besser) fleissig einschlagen, ausser den rossen , so sathüffig von natur, den soll man gar nicht einschlagen, aber hergegen aufwentig an hüeff mit guter hernsalb f folgt gestrichen: unnd leztlich g korrigiert h korrigiert 683