Page - 684 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition desto vleissiger warten, damit der hueff wachse. Herentgegen die jenige roß , so starckhe hohe hüeff haben unnd inwendig holl, muß man mit einschlagen woll warten. Nach diesen soll man auf den abendt umb 6 ½ uhr deß nachts fuetter der ordnung nach mit dem selben unnd mit dem i trinckhen halten, wie oben von dem frue fueter gemelt worden. Ein stundt nach der füetterung soll allezeit der knecht zu seinen rosen, der satl knecht aber j (bißweillen auch der stallmeister selbs) zu allen rosen gehen. Unnd wan ain roß nicht woll aufgessen, der knecht dem satl knecht unnd derselb den stallmäister anzeigen, damit man sehe, waß ihnen mangelt unndt solchen zeitlich vor khomen khönen. [§ 6] Wan man die roß morgens will außreiten auf die schuiel, so darff man sie nicht strigln, aber woll soll mans zuvor vleissig abstreichen, kein heu geben noch trinckhen oder fueter geben, nachmals sollen zu richten unndt also in standt umb kern, biß man will aufsizen unnd nicht balt aufs fueter dumeln. Nach den dumblen unnd auch auf den reisen soll man kein reit- oder gutschÿ-pfert drinckhen oder fueter geben, ehe dann des zuvor gar woll verblasen unnd abküelet seÿe. Derohalben so balt ein roß von der arbeit in stall khombt, in standt umb kern, daß es den hindern gehen den barn wendet, anlegen, weder abzaumen noch abstallen, aber den guet unnd naß bandt erweitern, wan es schwizet, stro under den satl geben und k also lihm bis stahen lassen, so lang biß es gar woll abkhüellet unnd solt es gleich ein ganze stundt oder noch lenger alsol stehen bleiben. Wan es aber gar hart geriten wer worden, so soll man nicht gleich in stall thun, noch also in standt stehen, sondern gar gemach m in schatten umbführen lassen, biß es gar woll abgekühlt hate. Wan es nun woll verküllet, sol mans wider umbkehren unnd abzaummen unndt an sein rechte halffter legen, nachmals absatlen unnd mit einen strigl abzihen, nicht wider, sondern nach dem harr, auch die schenckhl unndt wo der schwaiß oder schaumb eingetruckhnet ist, mit einen gueten frischen stro woll abreiben, mit seiner deckh woll zu deckhen, also stehen lassen, biß umb 10 oder 11 uhr, daß mans drinckhen unnd füetern thuet. Die dumbl roß soll man erst umb 1 uhr sauber abstrigeln unnd ihnen ihr recht thuen. Den schlauch oder die nasenlöcher, die augen, ohren soll man alle tag mit ein saubern feichten schwammen sauber außwischen, die harr auß den ohren alle sauber ausscheren, in sommer soll man ihnen die roßmuckhen sauber abkhlauben unndt dasselbig offt in tag. In Julio i korrigiert j folgt gestrichen: (biß weillen k über der Zeile ergänzt l –l am linken Rand mittels Positionszeichen ergänzt m korrigiert 684