Page - 688 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition allen vleiß unnd aller nottürfftiger wartung fürgesehen unnd gehalten wer- den. [§ 3] Ime soll alle rüstung, was zu der taglichen reutereÿ notturfftig, ausser der rust chammer, so zu velt gebraucht wirdet, in ainer beschlossnen ver- warung, darzue er oder in abwesen sein her hofmeister den schlissel innhalt aines lautern inventarÿ , deren jeder theil hoff- unnd stallmeister ain gleich- lauttundts haben, uberantwordt werden solle. [§ 4] Auf soliche rustung soll er, stallmeister , guet achtung haben unnd vleiß fur- wendten, damit darvon nichts verwarlost, vergeben, vernachlässigt oder in annder wegen verderbt, sonnder vleissig in huet hallten, damit, wan am satl , zaumb oder anndern etwas zerbrochen, dasselb dem hofmeister zeitlichen umb pesserung anzeigen unnd sovill muglichen, vor ubrichen unnchosten, des so mit clainen chosten zuerhalten unnd nit strackhs auf das neue zu dringen unnd des nach zuegbrauchen verwerffen. [§ 5] Er, stallmeister , soll auch jede wochen alle satl unnd zaumb , so man taglich braucht, vleisig besichten, ob sÿ nit mangelhafft unnd zerbrochen, dardurch die phart am reitten verderbt unnd schadhafft werden, dieselben zupessern, auch den herrn hoffmeister zeitlichen anzeigen, damit im stall khain mangel im fall der nott erschein. [§ 6] Desgleichen soll auch stalmeister beÿ allen beschlagen der roß , so vil mug- lich, selbst b sein unnd eben aufsehen, damit khein roß vernägelt, denn notstall, so vil muglichen, scheichen, dardurch jung oder alt roß entwenndt unnd verderbt werden. [§ 7] Auch wan die roß außgewesen unnd widerumb heimkhumen, soll stallmeis- ter dabei sein, das denselbigen zu den fuesen geschaut werde, damit alßbalt unnd zeitlich, so ein mangel vorhannden oder zu besorgen, denselbigen geholffen unnd zeitlich furkhumen werde. [§ 8] Stalmeister soll so wol auch annderer des gottshauß reitknecht zu aller furfallunder not ime, herrn hoffmeister , auf sein ansinnen unnd begeren gewertig unnd hilflich erscheinen unnd sich unweigerlich prauchen lassen, damit beim gottshauß unnd desselben officier , dienern, brotgenossen, unn- derthonen unnd hauers gesint durch solliche einsehung gute zucht, ordnung unnd polleceÿ erhalten, unzucht , rummor , uneinikheit unnd untugentlichs verhalten abgestelt unnd verhuet werde. b über der Zeile ergänzt 688