Page - 113 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

1. Texte zur Reform der Verwaltung (Mitte des 16. Jahrhunderts) [§ 7] Zum sibennden ist nicht minder von nötten, sich zuerinndern, was füer uberlenndt oder purgckhrecht gründt, agckher , wisen , weingarten etc., so zuvor des gotshauß unnderthonen zugehördt, aus dem aigen annderer herrn unnderthonen verkhaufft worden; darauf mit ernnst aufzulegen, das sie die selben widerumben zum aigen bringen, khauffen oder ablössen unnd sunderlich welliche unnderthonen von ierer behausten guetter, zugehorung, agkher , wisen , weingarten etc. versetzt oder verkhaufft, den selben beÿ hoher straff auffzulegen, das sÿ solch gründt in ainem bestimbten termin widerumben zu iren behausten guettern khauffen oder ablösenn. [§ 8] Zum achten ist aus erzelten ursachen hoch von notten, das derlaÿ ver- handlung der gründt abgestelt unnd darnach den unnderthonen beÿ hoherr straff auferlegt werde, daz hinfüran khainer ainigen grundt, zu ainem n behausten guet gehörig, verkhauff oder versetz. Welche aber uberlenndt oder purgckhrecht grindt haben unnd auß noth zu verkhauffen getrungen, die selben sollen solch grundt khaines anndern herrn unnderthon , osunder des gotshauß unnderthon ,o annfaillen, versetzen oder verkhauffen, darmit sollich grundt beÿ dem aigen erhalten, sÿ die unnderthanen dem gotshauß steür , diennst unnd annder annschlag dest stetlicher ausrichten p vermugen, darumben sollen alle kheuff vor richter unnd geschwornen beschehen, an- derst nicht chrafft oder bestanndt q haben. [§ 9] Zum neundten, nach dem der anrainnden grundtherrn unnd oberkhaiten namen durch verkhauff, erbschafft unnd in annder weg villvelltig verenn- dert, sollen alle anrainde herren oder obrikhaitten ann welligen ortten des gottshauß gemergkh ab- oder anngeen, von neuem beschriben, auch die march , marchstain , rhotter, laber,r mit vleiß s besehen unnd im vall das dieselben verdungkhlt unnd unnlautter, widerumben erfrischt werden. [§ 10] Zum zehennden soll khain richter seiner pflicht des richter ambts halben bemiessigt werden, er hab dann zuvor aller seiner ambt hanndlung, alls lanng er richter gewesen, relation thuen t, auch auf die ordennlich diennst zeitt alle diennst unnd steuer volligckhlich ein gebracht, verraith unnd n fehlt in B o –o fehlt in D und E p folgt in D und E: unnd q folgt gestrichen: weiß r –r fehlt in B, C, D und E s so in B, C, D und E; in A irrtümlich: vleisch t B, C, D und E: gethon 113