Page - 251 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

3. Das Hofmeisteramt [§ 1] bekhenne hiemit offentlich für mich unnd alle meine erben inn crafft dits brieffs, das mich der erwüerdig inn gott unnd geistlich herr, mein genedi- ger herr, cherr Balthasar c, probst unnd der convent gemainigkhlich unnser lieben frauen gottshauß Sannct Leopoldts stifft zu Closterneuburg zu irem unnd ires gottshauß hoffmaister bestelt unnd aufgenummen haben, dermas- sen das ich obbemeltem meinem genedigen herrn unnd seiner g(naden)d nachkhummen, zu allen iren unnd des gottshauß notturfften geleben unnd verpflicht, mit meiner selbst person unnd zwaÿen aignen pfärdten , sambt einem knecht , den ich selbst besolden soll, wohin sie mich in iren unnd des gotshauß notturfften brauchen unnd ordnen, gehorsamb zulaisten unnd gewärtig sein solle, nach meinem müglichisten vleiß irer g(naden) unnd des gotshauß schaden wenden unnd frummen befürdern. Wie ich e dann solches ierer genaden hiemit disem reverß unnd zuvor innhalt ainer durch ire genaden aufgerichten unnd durch mich mit aignen pettschafft unnd hanndt unnderschreibung gefertigten instruction unnd neben bestall brief verfertigt unnd zuegestelt ist, beÿ meinen ehrn unnd treuen, denselbigen nachzukhummen, angelobt , verhaissen und geredt. [§ 2] Dagegen haben mir f mein genediger herr alle jahr jhärlich zu besoldung sechzig pfundt pfenning ainer jeden quattember außzahlen unnd den dritten pfenning aller wandell unnd peenfallen derer unnderthonen unnd persoh- nen, so in meiner verwaltung sein, mein essen unndt trinckhen, gdaß ist über jedes mall ober essen wein , dreihalbe, darundter auch der schlafftrunckh verstanden werden solle, an demg oberessen tisch zuerhalttung guetter pol- liceÿ auf der türniz auf daz wenigist wochentlich dreÿ oder viermall essen, deßgleichen mein reitkhnecht an dem raitter tisch (wie annder derselben tafel h zugehörigen personen haben) empfahen, imeiner hausfr(au) alle tag ein ächtering ober essen wein und ainen pueben und diern , so speiß und tranckh auß dem closter hollen, ain ächtering gesindt oder gmain speiß wein und auß der pfister zu den zwaien malzeiten und den schlafftrunckh alle tag zwaÿ par h(e)r(r)n und drei par gesindt laibel, auch gemelter meiner c –c B: N. d folgt in B: herrn e B: auch f B: wier g –g so in B; in A ′ gestrichen, stattdessen am Rand ergänzt: in dem zimer oder; A entspricht, bis auf orthografische Abweichungen, die durch die spätere Streichung nicht mehr gesichert gelesen werden können, B h über der Zeile ergänzt (wohl schon in A) i –i so in B; in A ′ gestrichen; A entspricht, bis auf orthografische Abweichungen, die durch die spätere Streichung nicht gesichert lesbar sind, B 251