Page - 375 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

7. Die einzelnen Herrschaften, der Meierhof in Tuttendorf und der Lesehof in Krems zu irer gnaden hannden zuübergeben. Auch von pfister notturfft mell oder traÿdt , von khuchl zimbliche fastenspeÿß nach gelegenhaÿt, wie man sÿ dan beÿ hauß haben mag, holtz , saltz , zimbliche notturfft zugeben zuegesagt. Dagegen erbeuten wier unns vilernennte khanleüt unnsern diennst inmas- sen wie wier unns dann verlibt unnd unnser genediger herr auferlegt und bevolhen, nemblich zu feldt unnd zu dorff mit anpau, ackhern , tunnen, roß , khiefiech, schwein , hennen unnd anders vermüg inventarÿ , sambt den vier ehehalten solch fiecharbait unnd annders zu rechter gepierlicher zeit (wie solches in maÿrhof gezimbt unnd preüchig) die arbeit dreulich und vleissig zuverrichten. [§ 3] Darneben erbeuten wier unns vilerzelte khanleüth unnserm gnedigen herrn zu rechter zeit unnd weill von allem viech , alß nemblich von putter , schmaltz , khäß , aÿr , millich , millichraumb , sponsau , benennt unnd unbe- nennt zu des khuchlmaisteres hannden gegen quittung zuubergeben unnd zuüberanntwortten. Unnd wover wier junges fiech neben dem alten fiech aufziehen woltn, so sollen unnd wellen wier solches mit guetem zeittigen mit ieren gnaden vorwissen thain, auch wellen wir hinfüran khünftig an ierer gnaden vorwissen khainem von dem maÿrhof , weder roß noch gutschi außleigen, wover sich aber zuetrueg, das sich gnuegsam ursachen begäben, das unns mer bestimbter unnser gnediger herr zu solchem diennst verk- hern oder ich unnd mein haußfrau nit lennger diennen unnd unnd unns weitter bewerben wolten, so soll ain thaÿll dem anndern vor außganng des jarß zuvor ain Quottember aufsagen unnd das verkhünden. Zu urkhundt unnd gezeugckhnuß der sachen hab ich obbemelter Ridinger disen reverß brief mit meinem gewönlichen pedtschadt verferttigt. Dieweill ich, Barbara , aigen pedschadt nit hab, ich mit sonnderm vleiß erbetten, die vorermelten ersamen unnd achpern Wolff Auperger , des innern stattrats unnd Veiten Baÿrn , bedt burger zu Closterneuburg , das sÿ disen brief an stat mein neben meinem haußwiert verferttigt haben, doch inen, ieren erben unnd pedtschaden in albeg anschaden. [E] Beschehen zu Closterneüburg den dreissigisten tag Julÿ im fünffzehenhun- dert unnd im neünunndfünfzigisten jar. [L.S.] [L.S.] [L.S.] 375