Page - 410 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 3] 3tio. Dieweill ime cammerschreiber durch daz ganze jhar alle gelt außgaben, so sich auf vil 1000 fl erstreckht, auf sein und die andern ämbter von dem herrn prelathen auf b sein treues gewissen anvertraut werden, alß solt er demnach umb destobesserer nachrichtung willen järlichen ain neues officir- buech halten und in demselben für jeden officier ain sonderbare rubricen machen, so offt er nun ain oder den andern auf sein ambtgelt anhendigen wirt, solt ihme derselbe officir in gemelts officir buech unter seines ambts rubricen jederzeit mit aigner handt eingeschriben c, zu was außgaben er solches gelt von ime cammerschreiber empfangen hat. Da nun daz jahr zu end lauffen wird, solt er alßdann mit allen officirenten, jeden insonderheit inhalt des gemelten officirbuechs , zusamben raitten und nach befundt des völligen empfangs suma inne von gemelten ambtman ain von tag zu tag specificirten generalschein unter dessen handtschrifft unnd pedtschafft an- hendigen lassen unnd denselben alßdann zur certifi[ci]erung seine raittung beilegen. [§ 4] 4to. Wann man beÿ dem gottshauß, es seÿ was da well, zu pauen oder auß- zubessern hat, ist sein cammerschreibers ambt, daz er dennen bestelten pauleiten , iren untergebnen hanndwerchs gesellen und taglehnern stündt- lich nachsehen unnd sonderlich frue und abents mit ernst seiner schuldigen pflicht nach, daran und darob auch sein vleissiges aufsehen haben solt, damit gemelte arbeiter nach gelegenheit der jarszeit jedesmals zu rechter stundt an ir bestimbte arbeit ab unnd zuegehen und dieselben über ir be- stimbte stundten des fruestueckhs, mittagmals unnd jaußens, kheines weegs feÿrn lassen. Da er nun solchen arbeitern nit mechtig, solt er cammerschrei- ber seinen vorgesezten hofmaister zu hilff nehmben, damit diß orts guete polliceÿ und ordnung bei denselben gehalten werden meg. Und zum faal ain oder der ander von seiner arbeit, es seÿ ein ganzen oder halbentag außblei- ben, auch sonnst ohn vorwissen über die rechte stundt nit bei der arbeit verhanden sein würd, solt cammerschreiber desthalben alsßdann solche sein versaumbnus d an seinem wocherlohn ordentlich abziehen und jedes mals in der wochenzetl umb mehrers berichts willen zu- und beischreiben. Also und obverstandtner massen aber noch mit ainem merrern eifer, solt es cammerschreiber auch mit allen deß gottshauß durch daz ganze jahr bestelten handtwerchs leüten , alß dem hofpinter und hofzimmerman , sambt ihren gesellen , deßgleichen auch deren tischlern , schlossern , glasern und allen andern hanndtwerchern halten und noch zu denselben innen sament b B: zu c B: einschreiben d B: verabsaumbens 410