Page - 412 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition verkhauffern handlung pflegen und khauff schliessen wird, solt ihme auf sein begern jederzeit bei dem keller ain trunckh geraicht werden. [§ 9] 9a. Ist auch des cammerschreibers ambt, daz er deß gottshauß gebeü unnd tächer in beeden türnen unnd sonnst allenthalben neben dem hofzimmer- man und maurer gar offt und ungist monatlich besichten und besteigen und da sich in ainem und andern mangll finden, solt er solchen mangel alßbald dem herrn prelathen oder in dessen abwesenheit dem hofmaister mit fürschlagenden mittln, wie dieselbigen mangln mit zeitlicher hilff für- zukhumben sein möchte, alßbaldt schrifft- oder mündtlichen fürbringen. Ebenmessig solt er auch zu winterzeit allezeit mit vleiß dahin gedacht sein, damit er durch die zimmergesellen von dem einfallenden dächern unnd rinnen, auch beeden khürchen türnen unnd andern pöden, wo der windt den schnee einwöchen thuet (ehe wider warmes wetter einfelt), den schnee vleissig ab- und außwerffen, auch die rünnen außleren lassen, damit auß übersehen und vergessenheit grosser schaden verhüet werden meg. [§ 10] 10o. Er cammerschreiber solle ohn vorwissen ainiches neues gebeü , es seÿ waz da wöll, nit fürnehmben, waß aber in den alten tächern unnd zimmern außzubessern ist, solt allezeit dem hofmaister der nottwendigkheit zuvor angesagt und fürgezaigt werden. Daß alt holzwerch, item daz alte eisen und negl ist dem zimmerman kheinesweegs zupassiern, sondern daz alte holz solt auf die schnell zu nachvolgunden wints vorsehung gebracht und die alten negel dem torwärtl unnd den armen pfrientlern ins spittall zum richten geben werden. [§ 11] 11. Find sich in des cammerschreibers raittung, daz järlichen auf die tagwer- cher , so in dem cammerambt gebraucht werden, ain nambhaffte summa gelts auf gehen thuet unnd man doch deren arbeit und verrichtung wenig verspieren khan, weill dann cammerschreiber denselben bißhero nit aller- dings vleißig nachgesehen unnd ihnnen auf ihres vilfeltigen muesiggehen und schlaffen an irem taglohn beÿ der wochentlichen außzallung khein ab- zug gemacht. Alß wirt camerschreiber alles ernst auferlegt, daz er denselben leiten hinfüro besser unnd vleissiger nachsehen wöll und wofern selbige etwo weit von dem closter zu arbeit gestelt wurden, solt ime jederzeit auf sein anmelden von dem herrn hofmaister ain roß auß dem reitstall ange- schafft werden. [§ 12] 12ten. Cammerschreiber solt auch jederzeit mit tauglichen schaiter holz ge- fasst sein, damit der zieglmaister in der besten zeit mit den ziegl unnd kalch prennen nit gesaumbt werde unnd zu des gottshauß höchsten schaden feÿrn derff. Auch solt cammerschreiber hinfüro ohn vorwissen des herrn prelathen oder beisein aines geistlichen mit gemeltem zieglmaister , wann er ain oder 412