Page - 462 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition Entzwischen niemandt andern, alß lang sie zuarbeithen haben, allein dem gottshauß beÿ verliehrung ihres lohns unnd leibsstraff abwartten, damit sie vor weÿnachten fertig werden unnd abgetroschen haben, daß man das gedrait auf die cästen bringen möge. [§ 26] 26. Weill alles traidt unnd habern , ehe es eingefüerth, beschriben, wievil mändl dessen unnd von woher es ist, ihme forster in ainer verzaichnuß angehendigt wierdt, soll er auch darob sein, daß es im einfüehrn stadl unnd schöbern gleichfals vermerckht unnd jedes nemblich der waiz , halbtrait unnd khorn absonderlich geschöbert werde. [§ 27] 27. Alßdan soll er forster , so offt er im maÿrhoff ist, einmallen, ob das stro auch vleissig unnd woll außgetroschen, nachzusehen unterlassen, den unv- leiß unnd nachlässigkhait mit trohung verweisen unnd da es nit helffen wolt, dasselbig anmelden. Er soll auch das ungewunden außgetroschen traidt oder habern nit lang auf den tennen ligen lassen, sondern so baldt ein anzahl 3 oder 4 muth ungeverlich beÿsamben, dasselbig mit seinem vorwissen unnd praesenz winden lassen, alßdan soll er dem pfistermaister mit benennung der örther, von welchen dasselbig traidt khomben, gegen einen schein hin- wegg zubringen einmessen. [§ 28] 28. Da sich aber zuetrüeg, daß unter dem einfüehren unnd tröschen ein was- sergüss oder langwieriges regenwetter einfielle, dardurch dem eingefüehr- ten traidt im stadl oder schöbern wegen der nöss schaden entstehen wolte, soll er forster denselben mit umbschüben unnd aufsäzen zeitlich wöhren unnd füerkhomben. Er forster soll auch verordnung thuen und darob sein, daß der stadl an den feÿrtagen oder zu essens zeit khaines malß unverspert offen stehe, sondern jederzeit, wan man nit trüschet , zuegemacht unnd alle nacht den schlissl beÿ handen behalde oder in seiner abwesenhait dem maÿr zuegestelt werde, auf das sich frembde leüth beÿ ihnen, den tröschern , khaines weegs nicht aufhalten. [§ 29] 29. Der forster soll auch verordnen, das daß amb unnd affter in dem maÿr- hoff zuer füettereÿ vleissig aufgehebt unnd nichts unnuzlich davon vernach- lest werde. [§ 30] 30. Die tröscher sollen auch sich sovil müglich befleissen, daß sie einen gueten thail schäb zum gehäckh schneiden, aufheben, daß ritstro aber mit guetem vleiß zu tristen machen unnd dieselben also verwahren, das weder durch regen noch windt schaden geschehen möge. [§ 31] 31. Sonderlich soll er verordnen unnd bevelhen und selb darob sein, daß der maÿr im maÿrhoff unnd der gschiermaister im gschierhoff die dienstpoten 462