Page - 499 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

10. Kelleramt, Weinbau und Weinzehent khlein väßl abgelosen, hast bei den peill oben hinein gehenckht, doch nit auf den wein zu tiff, damit es nit ablesch, gehangen. Loß also verprinen unnd moch das peill gar woll zu, damit das khein dampf darvon khan khomben, vermoch den trodt, das er nit mit sambt dem pfloster in den wein hinein felt. Loß also stehen uber nachts des morgens, nimb das khleine väßl und habs auf das große vaß unnd nimb einen drochten, denn steckh im großen vaß hinein zum peill unnd woll vermachs, das abermoll khein dampff darvon khann. Geuß also den abgelasen wein in dem khleinen vaßl wider in das groß, darauß thue in zuvor genomben, host auf das aller fierderliche hinein, loß mit gewolt hinein rinen, vill das groß voß woll zue unnd van stundt an verpeills aufs pests, loß also stehn, so lang du wilt, fils alle dag ain moll mit einen frischen prun waser, druckh woll auß, vill das voß albeg wider zue, so hastu ein schön lustigen frischen wein , der nit anziekh , khombig, roth oder zäch wirdt, behalt in 3 oder 6 jahr, wielang du wilt, zu der speiß, laß in albeg zugebeilt, drinckh ein gantzes jahr darvon, so ist der letzt dropffen so guett, alles der erst. Schodt auch eine kheindl petterin nichts, dieser hernach beschriben einschlog dunckh mich auf die österreichischen wein der allerbest obzug, sein uhrsach drinckh, so mueß man auß einen holben fuetter, das zwei oder drei jahr alt ist oder noch elter unnd ist abzogen, so wierdt er nit ungeschmach, bewehres nuhr mit den peill unnd an den zopffen. Aber ein abgezogne wein , der khein gleger hat, württ zu lest, wen etwo ein emer im voß ist, ungeschmoch unnd schmeckht noch dem abzueg. Das ist erfohren an nöckher khronckhen Ollsesser wein , jehe lenger darzue gericht unnd abgezogen wein und wider auf das gleger goßen ist, ligt unnd olt wierdt, jehe beser er wiert. Loß nur das väßl albeweg zuegepeilt, diese vorgemelte stueckh zue dem einschlag woist du dich mit dem mehrern zue richten unnd besich, das du dem schwebl gar rain leuterst, du m[a]gst auch auf ein prant wein leuttern, der entnimbt im die unreinikheit bolt. Etliche leittern in durch ein stro , ober meines erachtens ist dises leittern am pesten durch oder auf ainen guetten wein unnd letzlich das du den schwebl gantz druckhen machest, in alß dan prauchen, wie du vor gnuegsamb bericht worden bist. [§ 24] Merckh, eben hostu ein khleine anleg wein , so muest du die gelegenheit mit dem einschlog brauchen, so thaill das pflaster wie du erwegen khanst, als mit dem holben dreÿling. [§ 25] Ein ander bewartter zueschlag Nimb zwei lb schwebl , den zerlaß gar genoch, lesch in ob in essig, zum andern mall zerlaß in wider, lesch in ob in weißen, frischen wein , im dritten zerlaß in wider, lesch in ob in ainen frischen prun waser, als dan nimb weisen weiroch sechs loth, mostig sechs loth, zerlaß durcheinander, thue ein holben emer wein auß einen holben dreiling, zindt on des ein schlags drei finger 499