Page - 514 - in INSTRUKTIONEN UND ORDNUNGEN DER STIFTSHERRSCHAFT KLOSTERNEUBURG - Quellen zur Verwaltung sowie zur Land- und Forstwirtschaft einer geistlichen Grundherrschaft in der Frühen Neuzeit

Edition [§ 92] Wan ein wein besen geschmach hat, follent oder grienlet (. . . )xx wenedict wurtzen unnd stoß also die khlein unnd thue es (. . . )yy unnd pinds schonn zue unnd hengs zu spundt hienein in denn (. . . )zz dem spundt zue acht dag oder lenger, so vergehet es (. . . )aaa wollgeschmach prob(ieren). [§ 93] Ein anders probatum est in tag und nacht zuvertreiben Schmeckh der wein wie er woll, so nimb holler plir unnd umb 2 d nögl , nimb wenetickh wurtzen , bindts olles in ein saubers thichl unnd heng es oben zu dem spundt hinein an einer schnur gleich auf holben wein unnd log tog unnd nocht drann ligen, es nimbt in den geschmach unnd wiert gueth. [§ 94] So ain wein schmeckht nach dem voß oder sonst Nimb ein leines saubers söckhl, dornach nimb coriander , den zerstoß bbb ein wenig unnd thue in das söekhl unnd hengs ein zeit long dorein, biß der schmach nit sovil an sich nemb, es ist off versuecht worden. [§ 95] Ein cöstlichs guets stuckh denn wein auß zubrenen von dem gewürtz unnd wie der anzaigt wierdt, probatum est ccc So nimb dreÿ vierting salve petter ddd, ain loth muscoth , ain loth nögl , ain loth inber, ain loth poreiß kherner , ain loth zimetrinden eee, ain loth zitwer , ain loth gollandt , ain loth muscath plie , ain loth lang pfeffer , soliches alles thue zue samben in ein zimer candl, beÿ zwo acht(ering) wein dorein geht, doran geuß ein guetten wein an dos gewiertz unnd verkhleg die candl mit gewiertz gor woll, dos khein dompff dorvon nit mag fff, loß also vermocht 13 tog stehen, dornach seich denn wein ab von dem gewirtz durch ein khleines thuch unnd stoß gewirtz in ainen messer, dos gleich wirt wie muß, dornach leg es wider in den wein , als dos es verglechen ist unnd thue es alles mitander in ainen prenhuett und prens fein (. . . )gggruß unnd fähes auf in ein glaß unnd xx Blatt abgerissen, mehrere Wörter fehlen yy Blatt abgerissen, mehrere Wörter fehlen zz Blatt abgerissen, mehrere Wörter fehlen aaa Blatt abgerissen, mehrere Wörter fehlen bbb korrigiert aus: sterstoß ccc korrigiert aus: probatimust ddd unsichere Lesung eee korrigiert aus: khimetrinden fff folgt gestrichen: A ggg Blatt abgerissen, mehrere Wörter fehlen 514